الماتىدا سافار شاكەيەۆتى جەرلەۋ ءراسىمى 29 -شىلدەدە وتەدى
بۇل تۋرالى ءوزىنىڭ فەيسبۋك الەۋمەتتىك جەلىسىندەگى جەكە پاراقشاسىندا شاكەيەۆتار وتباسىنىڭ دوسى ۆيكتوريا مومىنبايەۆا حابارلادى.
«ازا تۇتا وتىرىپ حابارلايمىز، سافار شاكەيەۆتى جەرلەۋ ءراسىمى ەرتەڭ - 29 -شىلدە كۇنى تاڭەرتەڭگى ساعات 09:30 دان 11:00 ارالىعىندا «قازاق كونسەرت» زالىندا بولادى. مەكەنجايى: ابىلاي حان داڭعىلى 83، ايتەكە ءبي كوشەسىنىڭ قيىلىسى»، - دەپ جازدى ۆ. مومىنبايەۆا.
ايتا كەتەلىك، بۇگىن بەلگىلى قازاقستاندىق كومپوزيتور ەركەش شاكەيەۆتىڭ 25 جاستاعى ۇلى سافار شاكەيەۆتىڭ ءولى دەنەسى ساعات 11.00 شاماسىندا الماتىداعى ەسەنتاي وزەنىندە، تيميريازيەۆ پەن بۇحار جىراۋ كوشەلەرىنىڭ ارالىعىنان تابىلدى.
ول الماتىدا 16 -شىلدە كۇنى ءىز-ءتۇسسىز جوعالىپ كەتكەن بولاتىن.
سودان بەرى قالادا جان-جاقتى ىزدەۋ شارالارى جۇرگىزىلدى. وعان 170 تەن استام ادام قاتىستى.
ولاردىڭ اراسىندا الماتى قالالىق ىشكى ىستەر دەپارتامەنتىنىڭ، توتەنشە جاعدايلار دەپارتامەنتىنىڭ، رەسپۋبليكالىق جەدەل- قۇتقارۋ جاساعىنىڭ قىزمەتكەرلەرى، بەلگىلى قوعام قايراتكەرلەرى، ەرىكتىلەر جانە قاراپايىم قالا تۇرعىندارى قاتىستى.
اۆتور: ايبوتا جاپپاربەرگەن