قىرعىزستان پارلامەنتى بۇگىن ۇكىمەت باسشىسى مەن 29 مينيسترىن سايلايدى
وسىنداي شەشىم قىرعىزستان رەسپۋبليكاسى پارلامەنتىنىڭ وتىرىسىندا قابىلداندى، دەپ جازادى كيرتاگ.
پارلامەنت وتىرىسىندا توروباي ءزۇلپۇقاروۆ كواليتسيا فراكسياسى سوورونباي جەەنبەكوۆتى ۇكىمەت باسشىلىعىنا تاعايىنداۋ ماسەلەسىن قاراستىرعانىن، كواليتسيا ونىڭ كانديداتۋراسىن قولداعانىن ايتتى.
«كواليتسيا فراكسياسى سوورونباي جەەنبەكوۆتى ۇكىمەت باسشىلىعىنا تاعايىنداۋ ماسەلەسىن قاراستىردى، كواليتسيا ونىڭ كانديداتۋراسىن قولدادى. بۇگىن پروفيلدى كوميتەت ونىڭ كانديداتۋراسىن تالقىلايدى. سودان كەيىن پرەمەردى سايلاۋعا كىرىسۋدى ۇسىنامىن»، - دەدى ق س د پ فراكسياسىنىڭ دەپۋتاتى توروباي ءزۇلپۇقاروۆ.
دەپۋتاتتار ونىڭ ۇسىنىسىن ءبىراۋىزدان قولدادى.
پالاتا ق ر پرەمەر-ءمينيسترىن سايلاۋعا تۇستەن كەيىن كىرىسەدى.
ەسكە سالا كەتەيىك، اپتانىڭ باسىندا تەمىر ساريەۆ بالىقشى- كورۋمدۋ كۇرە جولى قۇرىلىسىنىڭ تەندەرىنە قاتىستى بولعان جانجالعا بايلانىستى مينيسترلەر كابينەتى باسشىسىنىڭ وكىلەتتىگىنەن ءوز ەركىمەن باس تارتتى.