ايەلدىڭ 14 جاسار قىزى دۇنيەگە ۇل بالا اكەلگەن، تاياۋدا جاس انا مەن بالا بور قالاسىنىڭ پەرزەنتحاناسىنان شىعارىلدى، دەپ اتاپ وتەدى باسىلىم.
«ۆولگا» تەلەكومپانياسىنا بەرگەن سۇحباتىندا ناتاليا قىزىنىڭ جاقىن ارادا بوساناتىنى تۋرالى حابار ونى تاڭعالدىرماعانىن باياندادى. ءوزى دە قىزىن 14 جاسىندا دۇنيەگە اكەلگەن. جۇبايى الەكساندرمەن بىرگە 15 جىل تۇرىپ جاتىر، ولاردىڭ ءتورت قىزى بار، ەڭ كىشىسى - 2 جاستا.
«ءوزىنىڭ ارتىندا ءوسىپ كەلە جاتقان ءۇش ءسىڭىلىسى بار، ولاردى باعىپ- قاعۋعا كومەكتەسكەن. بالا وسىرۋدە تاجىريبەسى كوپ»، - دەپ قىزىنىڭ انا بولا الاتىنىنا سەنىم ءبىلدىردى جاس اجە.
ءوز كەزەگىندە ناتاليانىڭ جۇبايى 34 جاسىندا اتا اتانعانىنا ءالى ۇيرەنۋگە تۋرا كەلەتىنىن ايتتى.
نارەستەنىڭ 17 جاستاعى اكەسىنىڭ وتباسىن اسىراي الامىن دەپ سەندىرگەنىنە قاراماستان، جاس انانىڭ اكە- شەشەسى قىزدارىنا كامەلەتتىك جاسقا تولعانشا وزدەرى قارايتىندارىن ايتتى - بالاعا قاراۋدان بولەك، ول مەكتەپتەگى وقۋىن جالعاستىرۋى كەرەك.
رەسەيدەگى ەڭ جاس اجەنىڭ نەمەرەسى دۇنيەگە دەنى ساۋ بولىپ كەلدى - ونىڭ بويى 51 سانتيمەتر، سالماعى - 3,5 كەلىدەي.