بيىل قازاقستاندا 291 ادام سۋعا كەتتى - ۆ. بوجكو
18:35, 17 - شىلدە 2014
استانا. قازاقپارات - بيىل سۋ ايدىندارىندا 159 بالا قۇتقارىلدى. بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ت ج م باسشىسى ۆلاديمير بوجكو ءمالىم ەتتى.
«اعىمداعى جىلدىڭ باسىنان بەرى سۋدا قۇتقارۋ قىزمەتتەرىنىڭ قۇتقارۋشىلارى سۋ ايدىندارىندا 772 ادامدى، ونىڭ ىشىندە 159 بالانى قۇتقاردى. 11 مىڭنان استام سۋ قويمالارى تەكسەرىلىپ، سۋعا شومىلۋعا ارنالعان 480 دەمالىس ورنى بەلگىلەندى. بۇل ورىنداردا سۋدىڭ ءتۇبىن قاۋىپتى زاتتاردان تازارتۋ جۇمىستارى جۇرگىزىلدى» ، - دەدى مينيستر.
ونىڭ سوزىنە قاراعاندا، جىل باسىنان بەرى 291 ادام سۋعا كەتكەن، ونىڭ 81 - ى - بالالار. سۋداعى قايعىلى وقيعالار ادامداردىڭ كۇشى مەن مۇمكىندىكتەرىن اسىرا باعالاۋى، قاۋىپسىزدىكتىڭ قاراپايى ەرەجەلەرىن ساقتاماۋى، سونداي- اق ازاماتتاردىڭ سۋعا ماس كۇيىندە شومىلۋى سالدارىنان بولىپ جاتادى.
اۆتور: رۋسلان عابباسوۆ