بۇل تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، مينيسترلىكتىڭ جۇمىسى مىنا ستراتەگيالىق باعىتتاردى قامتيدى: مەملەكەتتىك قىزمەت كورسەتۋدى جەتىلدىرۋ، بايلانىس سالاسىن دامىتۋ جانە اقپاراتتىق تەحنولوگيالار مەن يننوۆاتسيالاردى دامىتۋ، عارىش سالاسىن دامىتۋ.
«ازاماتتار ءۇشىن پرواكتيۆتى تۇردە ادام قاجەتتىلىگىنە باعىتتالعان قىزمەتتەردى ەنگىزىپ جاتىرمىز. قازىرگى تاڭدا 40 مەملەكەتتىك قىزمەت پرواكتيۆتى فورماتتا كورسەتىلۋدە، 15 مەملەكەتتىك قىزمەت - سىرتقى پلاتفورمالارعا شىعارىلدى، 20 سيفرلىق قۇجات 7,5 ميلليون رەت قولدانىلدى»، - دەدى باعدات مۋسين مينيسترلىكتىڭ كەڭەيتىلگەن القا وتىرىسىندا.
سونىمەن بىرگە، ۆەدومستۆو باسشىسى بەينە ح ق و، سيفرلىق قۇجاتتار جانە Egov ءموبيلدى قوسىمشاسىنىڭ قولجەتىمدىگى تۋرالى باياندادى.
«بۇگىندە وسى جوبالاردىڭ ارقاسىندا ءبىزدىڭ ەلىمىز ب ۇ ۇ ەلەكتروندى ۇكىمەتتىڭ دامۋى يندەكسى بويىنشا 28-ورىندا تۇر جانە تسيفرلىق قىزمەتتەر بويىنشا سۋبيندەكستە - 8 ورىندامىز»، - دەدى سيفرلىق دامۋ ءمينيسترى.
ايتا كەتەيىك، ەلوردادا سيفرلىق دامۋ، يننوۆاتسيالار جانە ا ە روعارىش ونەركاسىبى مينيسترلىگىنىڭ كەڭەيتىلگەن القا وتىرىسى ءوتىپ جاتىر، وندا مينيسترلىك جەتەكشىلىك ەتەتىن باعىتتارداعى جۇمىستىڭ قورىتىندىلارى مەن باسىمدىقتارى تالقىلانباق.