سارسەنبى كۇنى كەي وڭىرلەردە 28 گرادۋس قاتتى اياز بولادى

استانا. قازاقپارات - «قازگيدرومەت» ر م ك 25-قاڭتار كۇنگە اۋا رايى بولجامىن ۇسىندى، دەپ حابارلايدى قازاقپارات.

«كەڭ اۋقىمدى سولتۇستىك- باتىس انتيتسيكلونىنىڭ اسەرىنەن قازاقستان رەسپۋبليكاسىنىڭ باسىم بولىگىندە جاۋىن-شاشىنسىز كۇن رايى ساقتالادى. ەلىمىزدىڭ تەك سولتۇستىگى مەن شىعىسىندا اتموسفەرالىق بولىكتەردىڭ وتۋىمەن قار جاۋادى، جاياۋ بۇرقاسىن بولىپ، جەل كۇشەيەدى. سولتۇستىگىندە، باتىسىندا جانە وڭتۇستىگىندە تۇمان كۇتىلەدى. تۇندە جەتىسۋ وبلىسىنىڭ سولتۇستىگىندە، تاۋلى اۋداندارىندا 28 گرادۋس قاتتى اياز بولجانادى»، - دەلىنگەن سينوپتيكتەر مالىمەتىندە.