شىعىس قازاقستاندا 28 مىڭعا جۋىق ادام تۇماۋ جۇقتىرعان
10:02, 29 - ناۋرىز 2022
وسكەمەن. قازاقپارات - شىعىس قازاقستان وبلىسىندا جىل باسىنان بەرى 28 مىڭعا جۋىق ادام ج ر ۆ ي- مەن اۋىرعان، دەپ حابارلايدى قازاقپارات ءتىلشىسى.
ش ق و سانيتارلىق- ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وڭىردە 2021 -جىلدىڭ قازان ايىنان باستاپ قازىرگى ۋاقىتقا دەيىن ءجىتى ريسپيراتورلىق ۆيرۋستىق ينفەكسيامەن اۋىرعاندار سانى 78153 ادامدى قۇراپ وتىر. بۇل وتكەن جىلعى كەزەڭمەن سالىستىرعاندا 1,5 ەسە ارتىق. ونىڭ ىشىندە 47,1 پايىزى - 14 جاسقا دەيىنگى بالالار.
«ال 2022 -جىلدىڭ باسىنان بەرى ج ر ۆ ي-دىڭ 27830 جاعدايى تىركەلدى. سونداي-اق 31 تۇرعىنعا «تۇماۋ» دياگنوزى قويىلعان. وسى رەتتە، 14 جاسقا دەيىنگى بالالار سانى - 158. ج ر ۆ ي مەن تۇماۋدان ءولىم-ءجىتىم جاعدايلارى بولعان جوق»، - دەپ حابارلادى ۆەدومستۆو وكىلدەرى. وبلىس بويىنشا 2021-2022 -جىلدارى تۇماۋعا قارسى 140213 ادام ەكپە سالدىردى. بۇل - ايماق حالقىنىڭ 10,3 پايىزى.
اۆتور: تالعاتجان مۇحامەتبەك ۇلى