28-ناۋرىز ەل اۋماعىندا اۋا رايى قانداي بولادى
وسىعان بايلانىستى جاڭبىر مەن قار جاۋادى، دەپ حابارلايدى قازاقپارات.
قازگيدرومەت مالىمەتىنە قاراعاندا قازاقستان بويىنشا جەل كۇشەيىپ، تۇمان تۇسەدى، كوكتايعاق، سولتۇستىك جارتىسىندا بۇرقاسىن سوعادى. اقمولا وبلىسىنىڭ وڭتۇستىگىندە، باتىسىندا، شىعىسىندا تۇمان تۇسەدى، جاياۋ بۇرقاسىن سوعادى. كۇندىز جەل ەكپىنى 15-20 م/س دەيىن كۇشەيەدى.
الماتى وبلىسىنىڭ وڭتۇستىگىندە جانە شىعىسىندا جەل قارقىنى - 15-20 م/س. تۇندە وبلىستىڭ وڭتۇستىگىندە، شىعىسىندا جانە تاۋلى اۋداندارىندا تۇمان بولادى. تۇركىستان وبلىسىنىڭ سولتۇستىگىندە، باتىسىندا جانە تاۋلى اۋداندارىندا سەكۋندىنا 15-20 مەتر جىلدامدىقپەن جەل سوعادى، تاڭەرتەڭ جانە كۇندىز تاۋلى اۋدانداردا جەل ەكپىنى 23-28 م/س جەتەدى.
باتىس قازاقستان وبلىسىنىڭ سولتۇستىگىندە، شىعىسىندا، وڭتۇستىك- شىعىسىندا كوكتايعاق، تۇمان، وبلىستىڭ باسىم بولىگىندە جەلدىڭ كۇشى - 15-20 م/س. اتىراۋ وبلىسىنىڭ سولتۇستىگىندە، باتىسىندا بۇرقاسىن، كوكتايعاق بولادى، وبلىستىڭ باسىم بولىگىندە جەل ەكپىنى 23-28 م/س جەتەدى.
تۇندە ماڭعىستاۋ وبلىسىنىڭ سولتۇستىك- باتىسىندا، كۇندىز باسىم بولىگىندە جەل 15-23 م/س دەيىن كۇشەيەدى، تۇندە وبلىستىڭ باتىسىندا - تۇمان، كۇندىز شىعىستا شاڭدى داۋىل سوعادى.
اقتوبە وبلىسىنىڭ سولتۇستىگىندە، باتىسىندا، وڭتۇستىگىندە جاياۋ بۇرقاسىن، كوكتايعاق، جەل قارقىنى - 15-20 م/س. قوستاناي وبلىسىندا جەلدىڭ كۇشى - 15-20 م/س، باتىستا، سولتۇستىكتە ەكپىنى - 25 م/س جەتەدى، باتىستا، سولتۇستىكتە - جاياۋ بۇرقاسىن، كوكتايعاق، وبلىستىڭ شىعىسىندا - تۇمان تۇسەدى.
كۇندىز سولتۇستىك قازاقستان وبلىسىنىڭ باتىسىندا جاياۋ بۇرقاسىن، كوكتايعاق، ەكپىنى 15-20 م/س جەل، تۇندە جانە تاڭەرتەڭ وبلىستىڭ شىعىسىندا تۇمان. پاۆلودار وبلىسىندا جولداردا كوكتايعاق، وبلىستىڭ سولتۇستىگىندە تۇمان تۇسەدى.
شىعىس قازاقستان وبلىسىنىڭ سولتۇستىگىندە، شىعىسىندا - بۇرقاسىن، جولداردا كوكتايعاق، باتىسىندا سەكۋندىنا 15-20 مەتر جىلدامدىقپەن جەل تۇرادى.
قىزىلوردا وبلىسىنىڭ سولتۇستىگىندە تۇمان، كۇندىز وبلىس ورتالىعىندا جەل قارقىنى - 15-20 م/س. جامبىل وبلىسىنىڭ وڭتۇستىگىندە، سولتۇستىك- شىعىسىندا جانە تاۋلى اۋداندارىندا تۇمان تۇسەدى، وبلىستىڭ وڭتۇستىك- باتىسىندا جانە تاۋلى اۋداندارىندا جەل 15-20 م/س دەيىن كۇشەيەدى.