بۇعان كەلىسپەگەن تۇرعىندار اكىمدىكتىڭ تابالدىرىعان توزدىرىپ ءجۇر. ال مەكتەپتى ساتىپ العان كاسىپكەر ونى بۇزىپ جاتىر. وسى ماسەلەنى ءبىزدىڭ تىلشىلەرىمىز كوتەرگەن ەدى. ءسويتىپ جاعدايدان ايماق باسشىسى ءابىلقايىر سقاقوۆ تا حاباردار بولدى. ال جەلەزينكا اۋدانىنىڭ اكىمى قانات كاشكيروۆتىڭ ايتۋىنشا، مەكتەپ 2015 -جىلى جابىلىپ، كەيىن اۋكتسيونعا قويىلعان. باستاپقى سوماسى 286 مىڭ تەڭگە بولىپتى. ەكى بايقاۋدا وتپەي، تەك ۇشىنشىسىندە تومەندەتىلگەن باعاعا ساتىلىپتى. جەكە كاسىپكەر عيماراتتى شاعىن جانە ورتا بيزنەستى دامىتۋ ماقساتىنا پايدالانامىن دەپ العان. ال حالىقپەن اقىلداسقان ەشكىم جوق. اۋىلداعى جالعىز اكىمشىلىك عيماراتتى ساقتاپ قالام دەپ جان ۇشىرعان زەينەتكەر- ۇستاز گالينا سۇلەيمەنوۆانى اۋدان اكىمى قابىلداماعان.
ءابىلقايىر سقاقوۆ، وبلىس اكىمى:
- مەن تۇسىنبەيمىن، نە ءۇشىن عيمارات ساۋداعا جىبەرىلگەنىن. نەلىكتەن حالىقپەن اقىلداسپاي ءجۇرمىز. وزدەرىڭىز ويلاڭىزدارشى ساۋدا قۇنى، اقتالعان قۇنى - 28 مىڭ تەڭگە. ءبىر ۇلكەن عيمارات 1,5-2 مىڭ شارشى مەتر 28 مىڭ تەڭگەگە ساتىلدى. اۋدان اكىمى تۇرعىنداردى قابىلداماي، ءوزى شەشىم قابىلدادى. ءبىرىنشى اقىلداسقان جوق. ەكىنشى حالىقتى، جاناشىر تۇرعىندى قابىلداماي، وسىنداي ماسەلە تۋىنداپ جاتىر. سول سەبەپتى حالىقتىڭ نارازىلىعىن تۋدىردى. وكىنىشكە وراي وسىنداي ماسەلەلەر باسقا جەرلەردە دە جەتكىلىكتى.