ۇستالعان ازاماتتىڭ ايتۋىنشا، ول 20-تامىز كۇنى جول بويىنداعى بويجەتكەنگە سەبەپسىز شابۋىل جاساعان. ونى قىلقىندىرىپ، ارىقتاعى سۋعا باتىرعان، ودان كەيىن ورتەپ جىبەرگەن.
كۇدىكتى ۋاقىتشا ۇستاۋ يزولياتورىنا قاماققا الىندى.
ەستەرىڭىزگە سالا كەتەيىك، 21-تامىز كۇنى ساعات 16.00-دە ەڭبەكشى قازاق اۋدانىنداعى ورنەك اۋىلىنىڭ ماڭىندا 21 جاستاعى قىزدىڭ ءمايىتى تابىلعان بولاتىن. قىزدىڭ مايىتىندە ايۋاندىقپەن قيناپ ءولتىرۋ بەلگىلەرى بولعان. بۇل دەرەك بويىنشا ق ر قىلمىستىق كودەكسىنىڭ ادام ءولتىرۋ (99-بابى 1-بولىگىنە) بابىنا سايكەس سوتقا دەيىنگى تەرگەۋ امالدارى باستالدى.
«جەدەل ىزدەستىرۋ ناتيجەسىندە ەكى تاۋلىك ىشىندە ادام ولىمىنە قاتىستى قىلمىس اشكەرە بولدى. كىسى ءولتىردى دەگەن كۇدىكپەن سول اۋىلدىڭ 28 جاستاعى تۇرعىنى ۇستالدى. بۇرىن كىسى توناعانى ءۇشىن قىلمىستىق جاۋاپكەرشىلىككە تارتىلعان جانە قازىر ەش جەردە جۇمىس ىستەمەيتىن كۇدىكتى ءوزىنىڭ كىناسىن تولىعىمەن مويىنداپ، قىلمىستىڭ ءمان-جايىن ەگجەي-تەگجەيلى سيپاتتاپ بەردى»، - دەپ حابارلادى الماتى وبلىسى پوليتسيا دەپارتامەنتى باستىعىنىڭ ورىنباسارى، پوليتسيا پودپولكوۆنيگى دانيار مەڭدەبايەۆ.