كوميتەت باسشىسىنىڭ ايتۋىنشا، بيىل 9 ايدىڭ ىشىندە ىشكى مەملەكەتتىك اۋديت بويىنشا 1851 تەكسەرۋ جۇرگىزىلدى.
«تەكسەرۋ ناتيجەسىندە 288 ميلليارد تەڭگەگە جۋىق قارجى كولەمىندە زاڭ بۇزۋشىلىق انىقتالدى. ونىڭ ىشىندە 10 ميلليارد تەڭگەگە جۋىعى وتەلدى. سونداي-اق، 29 ميلليارد تەڭگەگە جۋىق كولەمدە تاۋارلار جەتكىزىلىپ، قىزمەت كورسەتىلدى. سونىمەن قاتار، 233 ميللياردتان استام تەڭگەنىڭ بۋحگالتەرلىك ەسەپ بويىنشا كەمشىلىكتەرى قالپىنا كەلتىرىلدى. ودان بولەك، اۋديت وبەكتىلەرىنە 1638 ۇسىنىس بەرىلىپ، ونىڭ p دان استامى ورىندالدى»، - دەدى ەرجان مىڭجاساروۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سپيكەردىڭ مالىمەتىنشە، اكىمشىلىك قۇقىق بۇزۋشىلىق كودەكسىنە سايكەس 6901 ماتەريال بويىنشا ءىس قوزعالىپ، 605 ميلليون تەڭگەدەن استام ايىپپۇل سالىندى.
«بۇگىندە سالىنعان ايىپپۇلدىڭ 587 ميلليون تەڭگەسى، ياعني بيۋجەتكە وتەلدى. سونىمەن قاتار، 1595 ادام جاۋاپكەرشىلىككە تارتىلدى. 150 گە جۋىق ماتەريال قۇقىق قورعاۋ ورگاندارىنا جىبەرىلدى. ونىڭ ىشىندە قازىرگى ۋاقىتتا 80 ماتەريال بويىنشا قىلمىستىق ءىس قوزعالدى»، - دەدى ە. مىڭجاساروۆ.
ەرجان مىڭجاساروۆ مەملەكەتتىك اۋديت دەگەنىمىز - مەملەكەت اكتيۆتەرىن ءتيىمدى باسقارۋ، بيۋجەت قاراجاتىن جۇمساۋدى تالداۋ، باعالاۋ جانە تەكسەرۋ ەكەنىن ەسكە سالدى. ونداعى ماقسات - بيۋجەت قاراجاتى مەن مەملەكەت رەسۋرستارىن ءتيىمدى پايدالانۋدى ارتتىرۋ. ىشكى اۋديتتى ارنايى سەرتيفيكاتى بار مەملەكەتتىك اۋديتورلار جۇرگىزەدى.