«2020 -جىلدىڭ 9 ايىندا سىبايلاس جەمقورلىققا قارسى قىزمەت مەملەكەتتىك ورگاندارعا قىلمىستىق قۇقىق بۇزۋشىلىق جاساۋعا جانە باسقا دا زاڭ بۇزۋشىلىقتارعا ىقپال ەتكەن ءمان-جايلاردى جويۋ بويىنشا 1347 ۇسىنىس ەنگىزدى. قاراۋ ناتيجەلەرى بويىنشا ءارتۇرلى تارتىپتىك جاۋاپكەرشىلىككە 889 ادام تارتىلدى. ولاردىڭ 92 سى جۇمىستان شىعارىلدى، 94 ى قىزمەتىنەن بوساتىلدى، 83 ى قىزمەتكە تولىق سايكەس ەمەستىگى تۋرالى ەسكەرتىلدى، 12 سى قىزمەتىنەن تومەندەتىلدى، 284-ىنە قاتاڭ سوگىس جاريالاندى»، - دەدى د. بيعايداروۆ Facebook پاراقشاسىندا وتكەن ونلاين بريفينگىدە.
ونىڭ ايتۋىنشا، باقىلاۋدىڭ جوقتىعى جانە قاراماعىنداعىلارمەن زاڭدىلىقتىڭ بۇزىلۋىنا جول بەرگەنى ءۇشىن تارتىپتىك جاۋاپكەرشىلىككە ءتۇرلى بۋىنداعى 296 باسشى تارتىلدى. ولاردىڭ 52 سى قىزمەتىنەن بوساتىلدى، 11 ى جۇمىستان شىعارىلدى.
«سىبايلاس جەمقورلىققا قارسى قىزمەتتىڭ باسشىلىعى مەن قىزمەتكەرلەرى ەڭبەك ۇجىمدارىمەن 412 كەزدەسۋ وتكىزدى، وندا 726 ۇسىنىس قارالدى. تەك وسى اپتادا وڭىرلەردە ءبىرقاتار ۇسىنىستار قارالدى»، - دەدى اگەنتتىك وكىلى. سقو بويىنشا سىبايلاس جەمقورلىققا قارسى قىزمەتىنىڭ ۇسىنىسى بويىنشا (اۋداننىڭ دەنە شىنىقتىرۋ- ساۋىقتىرۋ كەشەندەرىنىڭ ءبىرىن سالۋ كەزىندە بيۋدجەت قاراجاتىن ۇرلاۋ تۋرالى ءىس بويىنشا)، ءوزىنىڭ لاۋازىمدىق مىندەتتەرىن تيىسىنشە ورىنداماعانى، «قازاقستان رەسپۋبليكاسىنداعى ساۋلەت، قالا قۇرىلىسى جانە قۇرىلىس قىزمەتى تۋرالى» ق ر زاڭىنىڭ 73-بابىنىڭ 2-بولىگىن بۇزعانى ءۇشىن «اقجار اۋدانىنىڭ قۇرىلىس، ساۋلەت جانە قالا قۇرىلىسى ءبولىمى» م م باسشىسى ج. ج. ەسليامبەكوۆ «قاتاڭ سوگىس» تۇرىندە تارتىپتىك جاۋاپكەرشىلىككە تارتىلدى.
سونىمەن قاتار، مەملەكەتتىك قىزمەتكە كىر كەلتىرەتىن تارتىپتىك تەرىس قىلىق ءۇشىن «جامبىل وبلىستىق ستوماتولوگيالىق ەمحاناسى» ش ج ق ك م ك باس دارىگەرى ا. ب. ۇسەنبايەۆ «سوگىس» تۇرىندەگى تارتىپتىك جاۋاپكەرشىلىككە تارتىلدى.
اۆتور: رۋسلان عابباسوۆ