الماتىدا ءۇي كارانتينىن بۇزعان 280 ادامعا ايىپپۇل سالىندى
21:43, 10 - قىركۇيەك 2021
الماتى. قازاقپارات - الماتىدا ءۇي كارانتينىن بۇزعان «قىزىل» مارتەبەسى بار 280 ادامعا ايىپپۇل سالىندى، دەپ حابارلايدى قازاقپارات ءتىلشىسى.
«Ashyq ارقىلى 14 كۇندىك ءۇي كارانتينىن بۇزعان 280 الماتىلىق اكىمشىلىك جاۋاپقا تارتىلدى جانە ايىپپۇل (30 ا ە ك) تولەدى»، - دەپ حابارلادى سانيتارلىق-ەپيدەميولوگيالىق باقىلاۋ دەپارتامەنتىنەن.
«قىزىل» مارتەبەدەگى ادامدار Ashyq جوباسى بويىنشا جۇمىس ىستەيتىن نىساندارعا كىرگىزىلمەيدى.
قۇقىق بۇزۋشىلاردىڭ تولىق ءتىزىمىن مىنا جەردەن كورۋگە بولادى. سانيتاريالىق-ەپيدەميولوگيالىق باقىلاۋ دەپارتامەنتى امبۋلاتورلىق ەم الىپ جاتقان ازاماتتاردى ءوزىن-ءوزى وقشاۋلاۋ رەجيمىن بۇزباۋعا جانە قوعام الدىندا ازاماتتىق جاۋاپكەرشىلىكتى ۇمىتپاۋعا شاقىرادى.
جۇقتىرعاندارمەن بايلانىستا بولعان ادامدار دا ءوزىن-ءوزى وقشاۋلاۋ رەجيمىن ساقتاۋى جانە باسقا ادامداردىڭ جۇقتىرۋىن بولدىرماۋ ءۇشىن ادامدار جاپپاي جينالاتىن ورىندارعا بارۋدان باس تارتۋى ءتيىس.