ەلىمىزدە كۇردەلى ەپيدەميولوگيالىق جاعدايعا بايلانىستى توتەنشە جاعداي جاريالانىپ، كارانتين ەنگىزىلگەن. كارانتين كەزىندە كوپ بالا ۇيدە وتىر. بۇل كەزدە ولاردىڭ اتا-اناسى قاۋىپسىزدىك شارالارىن ۇمىتپاۋى ءتيىس. بالا ءۇشىن ۇيدەگى قاۋىپتىڭ ءبىرى - اشىق تەرەزە.
وسىلايشا، 1-28-ءساۋىر ارالىعىندا رەسپۋبليكادا كوپقاباتتى ۇيلەردىڭ تەرەزەسىنەن 7 بالا قۇلاعان. 2-8 جاس ارالىعىنداعى 5 بالا اۋرۋحاناعا جەتكىزىلدى. بۇل وقيعالار قاراعاندى (3)، پاۆلودار (1)، جامبىل وبلىستارى (1) مەن نۇر-سۇلتان قالاسىندا (2) بولعان. جىل باسىنان بەرى كوپقاباتتى ءۇيدىڭ تەرەزەسىنەن 13 بالا قۇلادى. بۇل وقيعالار قاراعاندى وبلىسى (3)، نۇر-سۇلتان قالاسى (3)، پاۆلودار وبلىسى (3)، الماتى قالاسى (2)، باتىس قازاقستان وبلىسى (1)، اقتوبە وبلىسى (1) جانە جامبىل وبلىسىندا (1) ورىن العان.