قالالىق پوليتسيا دەپارتامەنتىنىڭ مالىمەتىنشە، ءال-فارابي داڭعىلىنىڭ بويىمەن جىلدامدىقتى اسىرىپ جۇرگەن جاس جىگىت ءبىر مەزەتتە 29 رەت زاڭ بۇزعان.
«جەرگىلىكتى پوليتسيانىڭ ىزدەستىرۋ ءبولىمىنىڭ قىزمەتكەرلەرى تەكسەرۋ جۇرگىزىپ، ناتيجەسىندە ءال-فارابي داڭعىلىمەن شىعىس باعىتتا كەلە جاتىپ، جول قوزعالىسى ەرەجەلەرىن ورەسكەل بۇزعان BMW اۆتوكولىگىنىڭ جۇرگىزۋشىسى انىقتالدى. وعان ق ر اكىمشىلىك- قۇقىق بۇزۋشىلىقتىڭ 595-بابى 1-بولىگى بويىنشا 27 حاتتاما جانە 606-بابى 1-بولىگىنە سايكەس 2 حاتتاما تولتىرىلدى. سالىنعان ايىپپۇلدىڭ جالپى سوماسى 534 مىڭ 750 تەڭگە»، - دەدى، الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى ەرجان ۇزابايەۆ.
پوليتسيا وكىلىنىڭ سوزىنشە، الماتىلىق جۇرگىزۋشى تەك جول ەرەجەسىن بۇزىپ قانا قويماي، بۇل ارەكەتىن ۇيالى تەلەفونعا ءتۇسىرىپ، الەۋمەتتىك جەلىگە تاراتقان.