ەۋروپالىق باق بۇل ماسەلە بويىنشا ە و-عا مۇشە 27 ەلدىڭ دەنساۋلىق ساقتاۋ مينيسترلىكتەرى اراسىنداعى كونسۋلتاتسيالار ءالى ناقتى ناتيجە بەرمەگەنىن جازدى.
يتاليا وتكەن سارسەنبى كۇنى قىتايدان كەلەتىن تۋريستەر ءۇشىن مىندەتتى COVID-19 سىناقتارىن قايتا ەنگىزدى جانە بۇل قادامدى جاساۋعا ەۋرووداقتىڭ بارلىق مەملەكەتىنە ۇندەدى. سەبەبى وسى اپتانىڭ باسىندا ميلان حالىقارالىق اۋەجايىندا جولاۋشىلار اراسىندا جۇرگىزىلگەن كوروناۆيرۋسقا قارسى تەستىلەۋ ناتيجەسىندە قىتايدان كەلگەن ەكى رەيس جولاۋشىلارىنىڭ جارتىسىنا جۋىعىنان قاۋىپتى ۆيرۋس انىقتالعان.
كەيىن ەۋروپالىق كوميسسيانىڭ دەنساۋلىق ساقتاۋ قاۋىپسىزدىگى كوميتەتى (HSC) قىتايداعى كوروناۆيرۋس جاعدايىن تالقىلاۋ ءۇشىن جيىن وتكىزدى.
بۇعان دەيىن جاپونيا وسى اپتانىڭ سوڭىندا قىتايدان كەلەتىن ازاماتتار ءۇشىن شەكارالىق باقىلاۋدى كۇشەيتەتىنىن حابارلاعان بولاتىنبىز.
جالپى بۇل قادامدار قىتايدىڭ 8-قاڭتاردان باستاپ شەكارالارىن قايتا اشاتىنىنا جانە ۆيرۋستىق ينفەكسيالاردىڭ تارالۋىن بولدىرماۋ ءۇشىن جاسالۋدا.
قىتاي جەلتوقسان ايىنان باستاپ ۆيرۋسپەن كۇرەستىڭ قاتاڭ شارالارىن ايتارلىقتاي جەڭىلدەتتى.
سونىمەن قاتار اۋىرعانداردىڭ رەسمي ستاتيستيكاسىن جاريالاۋدى توقتاتتى.