قازاقستاندىقتار قارجى پيراميدالارىنا 27 ميلليارد تەڭگەدەن استام اقشا قۇيعان
«بيىلعى جىلدىڭ 5 ايىندا قارجى مونيتورينگى ورگانى ق ر ق ك 217-بابى (قارجى پيراميداسىن قۇرۋ جانە وعان باسشىلىق ەتۋ) بويىنشا 24 قارجى پيراميداسى ارەكەتىنە قاتىستى سوتقا دەيىنگى تەرگەپ- تەكسەرۋ امالىن جۇرگىزدى. اتالعان فاكتىلەر بويىنشا قارجى پيراميدالارىنا 17 مىڭنان استام سالىمشى 27 ميلليارد تەڭگەدەن استام قاراجات قۇيعانى بەلگىلى بولدى»، - دەلىنگەن رەسمي اقپاراتتا.
سونداي- اق، اگەنتتىك قارجى پيراميداسىن ۇيىمداستىرۋ بويىنشا كۇدىككە ىلىنگەن كومپانيالارعا قاتىستى ارتىق مالىمەتتىڭ بەرىلمەيتىنىن ەسكەرتەدى.
«ق ر قىلمىستىق- پروتسەستىك كودەكسىنىڭ 201-بابىنا سايكەس سوتقا دەيىنگى تەرگەپ- تەكسەرۋگە قاتىستى دەرەكتەردى جاريا ەتۋگە بولمايدى. دەرەكتەر تەرگەۋ مۇددەسىنە قايشى كەلمەگەن جانە باسقا ادامداردىڭ قۇقىعى مەن زاڭدى مۇددەسىن بۇزباعان جاعدايدا پروكۋروردىڭ رۇقساتىمەن عانا جاريا ەتىلۋى مۇمكىن»، - دەيدى ۆەدومستۆودان.
ەسكە سالا كەتسەك، قازاقستاندا قارجى پيراميدالارىنىڭ جارناماسى ءۇشىن قىلمىستىق جاۋاپكەرشىلىك ەنگىزۋ جوسپارلانىپ وتىر. ق ر ىشكى ىستەر مينيسترلىگىنىڭ مالىمەتىنشە جىل باسىنان بەرى قارجى پيراميدالارىنىڭ ۇستىنەن 27 قىلمىستىق ءىس قوزعالعان.
اۆتور: ءالي يبرايەۆ