قازاقستاندا 27 -ماۋسىم كۇنى وتەتىن ماڭىزدى شارالارعا شولۋ
استانا
ساعات 08.15-تە «استانا - جاڭا قالا» ارنايى ەكونوميكالىق ايماعىنداعى ەلەكتروۆوز قۇراستىرۋ زاۋىتىنا باسپا ءسوز تۋرى ۇيىمداستىرىلادى. باسپا ءسوز ساپارى اياسىندا ءازاربايجان رەسپۋبليكاسىنا ەكسپورتتاۋ ءۇشىن ەلىمىزدە قۇراستىرىلعان تۇڭعىش ەلەكتروۆوزدىڭ تۇساۋكەسەرى وتەدى.
ساعات 10.00-دە قازاقستان رەسپۋبليكاسى پارلامەنتى ءماجىلىسىنىڭ جالپى وتىرىسى بولادى.
ساعات 10.00-دە «Rixos President Astana» قوناق ۇيىندە ەكونوميكالىق ىنتىماقتاستىق بويىنشا قازاقستان مەن جاپونيانىڭ جەكە سەكتورى مەن ۇكىمەتارالىق بىرلەسكەن كوميسسياسىنىڭ 7- وتىرىسىنىڭ اياسىندا ەكى ەلدىڭ رەسمي وكىلدەرىنىڭ قاتىسۋىمەن قازاقستاندىق- جاپوندىق بيزنەس- فورۋم وتەدى.
ساعات 10.00-دە قالالىق ءماسليحاتتا جولاۋشىلار اۆتوبۋستارىندا تاريفتەردى وزگەرتۋ بويىنشا قوعامدىق تىڭداۋلار وتەدى.
ءدال وسى ۋاقىتتا ءى ءى م «بايلانىس جانە اقپارات قىزمەتكەرلەرى كۇنى» مەن «ساقشى- نا ستراجە» گازەتىنىڭ 85 جىلدىعى قۇرمەتىنە شارا وتكىزەدى. شاراعا ىشكى ىستەر ءمينيسترى قالمۇحامبەت قاسىموۆ قاتىساتىنى جوسپارلانعان.
ساعات 10.30-دا ۇكىمەت ۇيىندە «ق ر پرەزيدەنتى جولداۋىنىڭ جەتىنشى باعىتىن جۇزەگە اسىرۋ اياسىندا حالىقارالىق «بولاشاق» باعدارلاماسى ورتالىعىنىڭ جۇمىسى تۋرالى» تاقىرىبىندا باسپا ءسوز كونفەرەنسياسى ۇيىمداستىرىلادى.
ساعات 10.40-تا ءدىن ىستەرى جانە ازاماتتىق قوعام ءمينيسترى دارحان كالەتايەۆتىڭ توراعالىعىمەن مينيسترلىك جانىنداعى ۇەۇ ءوزارا ءىس- قيمىل جونىندەگى ۇيلەستىرۋ كەڭەسىنىڭ وتىرىسى وتەدى.
ساعات 11.00-دە «استانالىق» بازاردا ەلوردا اكىمدىگىنىڭ «استانا جاستارى» كوممۋنالدىق مەملەكەتتىك مەكەمەسى جەرگىلىكتى اتقارۋشى ورگاندارى وكىلدەرىنىڭ قاتىسۋىمەن جاستارعا كونسۋلتاتسيالىق كومەك كورسەتۋ بويىنشا ءىس- شارا ۇيىمداستىرادى.
ساعات 12.15-تە «Ritz Carlton» قوناق ۇيىندە حالىقارالىق ۆاليۋتا قورىنىڭ (ح ۆ ق) باسپا ءسوز ءماسليحاتى باستالادى.
ساعات 12.20-دا ورتالىق كوممۋنيكاتسيالار قىزمەتىندە مادەنيەت جانە سپورت ءمينيسترى ارىستانبەك مۇحامەدي ۇلىنىڭ حالىق الدىندا ەسەپتىك كەزدەسۋى بويىنشا قورىتىندى باسپا ءسوز ءماسليحاتى باستالادى.
ساعات 15.00-دە قازاقستان رەسپۋبليكاسىنىڭ ۇلتتىق مۋزەيىندە («رۋحاني جاڭعىرۋ» زالى) الماتى جانە شىعىس قازاقستان وبلىستارى مۇراجايلارىنىڭ كورمەسىنىڭ اشىلۋى وتەدى.
15.00-دە ەۋرازيالىق ينتەگراتسيا ينستيتۋتى ەلوردانىڭ 20 جىلدىعىنا ارنالعان «ۇلى استانالار - اقىلدى قالالار» اتتى حالىقارالىق عىلىمي كونفەرەنسيا وتكىزەدى.
ساعات 16.20-دا ورتالىق كوممۋنيكاتسيالار قىزمەتىندە پرەمەر-ءمينيستردىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆتىڭ حالىق الدىنداعى ەسەپتىك كەزدەسۋى بويىنشا قورىتىندى باسپا ءسوز ءماسليحاتى وتەدى.
ساعات 17.00-دە قازاقستان رەسپۋبليكاسىنىڭ تۇڭعىش پرەزيدەنتى - ەلباسى كىتاپحاناسى مۋزەيىنىڭ عيماراتىندا استانانىڭ 20 -جىلدىعىنا ارنالعان «بولاشاق كەلبەتى» كورمەسىنىڭ اشىلۋ سالتاناتى وتەدى. كورمە قازاقستان رەسپۋبليكاسى پرەزيدەنتىنىڭ ارحيۆىمەن بىرلەسىپ ۇيىمداستىرىلماق.
ساعات 17.30-دا «نۇر وتان» پارتياسى جىل سايىنعى جۋرناليستەر اراسىندا وتەتىن «نۇر سۇڭقار-2018» رەپۋبليكالىق بايقاۋى جەڭىمپازدارىن سالتاناتتى تۇردە ماراپاتتايدى.
ساعات 19.00-دە شوتا رۋستاۆەلي اتىنداعى گرۋزين مەملەكەتتىك اكادەميالىق تەاترى بەيبىتشىلىك جانە كەلىسىم سارايىندا «زاڭداستىرىلعان زاڭسىزدىق» (ۋزاكونەننوە بەززاكونيە) اتتى قويىلىمدى كورسەتەدى.
الماتى
ساعات 11.00-دە «SANALY URPAQ» جوبالىق كەڭسەسىنىڭ كەڭەيتىلگەن وتىرىسى باستالادى. وعان قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى، قالالىق ءبىلىم باسقارماسى، ج و و مەن كوللەدجەردىڭ باسشىلارى قاتىسادى.
ساعات 12.00-دە «ب ج ز ق» ا ق «ب ج ز ق زەينەتاقى قىزمەتىنىڭ قولجەتىمدىلىگى مەن ساپاسىنا ارنالعان اقپاراتتىق تەحنولوگيالار»، «ب ج ز ق- نىڭ 2018 -جىلدىڭ 1 -ماۋسىمى بويىنشا نەگىزگى كورسەتكىشتەرىنە قىسقاشا شولۋ» تاقىرىبىندا بيريفنگ وتكىزەدى.
اتىراۋ
ساعات 10.00-دە اتىراۋ قالالىق جاستار رەسۋرستىق ورتالىعى مەن قالالىق «جاس وتان» جاستار قاناتىنىڭ ۇيىمداستىرۋىمەن حالىقارالىق بالىقشىلار كۇنىنە وراي جاس بالىقشىلار اراسىندا سايىس وتەدى.
ساعات 15.00-دە وبلىستىق اكىمدىكتىڭ ەكىنشى قاباتىندا اتىراۋ وبلىسى اكىمىنىڭ ورىنباسارى نۇرساۋلە سايلاۋوۆانىڭ توراعالىعىمەن تىلدەر تۋرالى زاڭنامانى جانە تىلدەردى قولدانۋ مەن دامىتۋ باعدارلامالارىنىڭ ورىندالۋىن باقىلاۋدى جۇزەگە اسىرۋ جونىندەگى ۇيلەستىرۋ كەڭەسىنىڭ كەزەكتى وتىرىسى وتەدى.
قوستاناي
ساعات 09:00-دە وبلىس اكىمى ارحيمەد مۇحامبەتوۆتىڭ قاتىسۋىمەن بايلانىس جانە اقپارات قىزمەتكەرلەرى كۇنىن مەرەكەلەۋگە ارنالعان ءىس- شارالار باستالادى.
ساعات 14:30-دا ل. تولستوي اتىنداعى وبلىستىق كىتاپحانادا «مەملەكەتتىك اقپاراتتىق ساياساتتى جانە ب ا ق اقپاراتتىق كونتەنتىن ىسكە اسىرۋ تيىمدىلىگىن ارتتىرۋ» تاقىرىبىندا سەمينار وتەدى.
تالدىقورعان
ساعات 17.30-دا «جاستار» ساياباعىندا وبلىس اكىمى اماندىق باتالوۆتىڭ قاتىسۋىمەن بايلانىس جانە اقپارات قىزمەتكەرلەرىنىڭ كاسىبي مەرەكەسىنە جانە وبلىستىق «جەتىسۋ»، «وگني الاتاۋ» گازەتتەرىنىڭ 100 جىلدىعىنا وراي سالتاناتتى جيىن وتەدى. جيىندا ۇزدىك جۋرناليستەر ماراپاتتالادى.
ورال
ساعات 11.00-دە ح. بوكەيەۆ اتىنداعى وبلىستىق قازاق دراما تەاترىندا «جالىنداعان جايىق- جىر» اتتى رەسپۋبليكالىق اقىندار ايتىسى وتەدى. وعان ەلىمىز وڭىرلەرىنەن كەلگەن اقىندار قاتىسىپ، باق سىنايدى.
قىزىلوردا
ساعات 11.00-دە قىزىلوردا وبلىستىق فيلارمونياسىنىڭ كونسەرت زالىندا وبلىستىق فيلارمونيانىڭ ماۋسىمدىق جابىلۋ كونسەرتى بولادى.
ساعات 11.00-دە وڭىرلىك كوممۋنيكاتسيالار قىزمەتىندە قىزىلوردا وبلىستىق تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتىنىڭ ماماندارى سالا بويىنشا اتقارىلعان جۇمىستار تۋرالى باسپا ءسوز ءماسليحاتىن وتكىزەدى.