قالا بيلىگى ايەلدىڭ شاعىمىن قاناعاتتاندىرىپ، وعان 85 مىڭ دوللار (27 ميلليون تەڭگەدەن اسا) وتەماقى تولەپ بەرەتىن بولدى.
بۇل تۋرالى New York Daily News باسىلىمىنا سىلتەمە جاساپ Stan.kz حابارلايدى.
35 جاستاعى راباب مۇسا 2017 -جىلدىڭ قىركۇيەگىندە پوليتسيا قىزمەتكەرلەرىمەن ۇستالعان. ونىڭ سوزىنشە، پوليتسەيلەر الدىمەن ونى ەر ادامدار كامەراسىنا قاماپ، ارتىنشا ۇستىندەگى حيدجابىن شەشىپ تەكسەرگەن. سونىمەن قاتار ايەل پوليتسەيلەردىڭ ەش سەبەپسىز « ءوزى جاساماعان ارەكەتتى موينىنا الۋعا» ماجبۇرلەگەن. الايدا 6 ساعاتتان كەيىن ايەلدى بوساتقان.
باسىلىم مالىمەتىنشە، پوليەتسەيلەردىڭ راباب مۇسانى نە ءۇشىن تۇتقىنداعانى بەلگىسىز. پوليتسەيلەر ايەلدى باسقا اداممەن شاتاستىرىپ العان بولۋى مۇمكىن.
ال مۇسانىڭ قورعاۋشىسىنىڭ سوزىنشە، كليەنتى ءوزىن قورلانعانداي سەزىنەدى. سونىمەن قاتار بەرىلگەن وتەماقىنى ادىلدىكتىڭ از عانا كورىنىسى دەپ وتىر.