بەينەۋ اۋدانىن 27 جىل بويى باسقارعان اكىم زەينەتكە شىقتى
12:19, 26 - قىركۇيەك 2017
استانا. قازاقپارات - ەل تاريحىندا ەڭ ۇزاق جىل اكىم بولعان باسشى ءازىرحانوۆ ماڭعىستاۋ وبلىسىنداعى بەينەۋ اۋدانىن 27 جىل بويى باسقاردى. ەلىمىز تاۋەلسىزدىك العان جىلى اۋدان اكىمى قىزمەتىنە تاعايىندالعان باسشى ايجاناق ۇلى زەينەتكە شىقتى.
جاڭا اكىم قىزمەتىنە اۋدانمەن اتتاس ازامات كەلدى. ماڭعىستاۋ وبلىسىنىڭ اكىمى ەرالى توعجانوۆتىڭ وكىمىمەن بەينەۋبەك كونىلىمقوس ۇلى ءابىلوۆ بەينەۋ اۋدانىنىڭ اكىمى بولىپ تاعايىندالدى.
بەينەۋبەك ءابىلوۆ 1975 -جىلى 16 - قاڭتاردا ماڭعىستاۋ وبلىسىنىڭ بەينەۋ سەلوسىندا دۇنيەگە كەلگەن. ۇلتى - قازاق، ءبىلىمى - جوعارى. سوڭعى 2 جىل ماڭعىستاۋ وبلىسىنىڭ مەملەكەتتىك ساۋلەت- قۇرىلىس باقىلاۋى باسقارماسىنىڭ باسشىسى قىزمەتىن اتقاردى. بۇل تۋرالى ماڭعىستاۋ وبلىسىنىڭ باسپا ءسوز قىزمەتى حابارلادى.
اۆتورى: گۇلميرا ابىشيەۆا
www.24.kz