پاكىستاندا بالالار 274 مەتر بيىكتەگى ارقانجولدا قالىپ قويعان
10:12, 23 - تامىز 2023
يسلاماباد. قازاقپارات - پاكىستاندا ەلدىڭ سولتۇستىك- باتىسىندا 900 فۋت بيىكتىكتە (274 مەتر) ارقانجولدا قالىپ قويعان التى بالا مەن ەكى ەرەسەك قۇتقارىلىپ جاتىر.
قۇتقارۋشىلاردىڭ ايتۋىنشا، كوتەرگىشتىڭ ءبىر ارقانى ءۇزىلىپ كەتكەن، دەپ حابارلايدى قازاقپارات CNN- گە سىلتەمە جاساپ.
پاكىستاننىڭ ۇلتتىق تابيعي اپاتتارمەن كۇرەس باسقارماسىنىڭ (NDMA) مالىمەتىنشە، ارقانجولدا قالىپ قويعان بالالار حايبەر- پاحتۋنحۆا پروۆينتسياسىنا مەكتەپكە بارا جاتقان. ولاردى قۇتقارۋ ءۇشىن تىكۇشاق تارتىلدى.
بۇعان دەيىن جەرگىلىكتى ۇكىمەت وكىلى ەرەسەكتەرمەن بىرگە سەگىز بالا 1200 فۋت (365 مەتر) بيىكتىكتە قالىپ قويعانىن مالىمدەدى.
بيلىك بارلىق «توزىعى جەتكەن جانە تالاپقا سايكەس كەلمەيتىن ارقانجولداردى» تەز ارادا جابۋدى بۇيىردى.
حايبەر- پاحتۋنحۆا پروۆينتسياسىنىڭ شالعايداعى جانە تاۋلى اۋداندارىندا تۇراتىن كوپ بالا مەكتەپكە ارقانجولمەن بارادى.
كەيبىر كوتەرگىشتە تۇراقتى تەحنيكالىق قىزمەت كورسەتۋ جۇرگىزىلمەگەنى اتالىپ ءوتىلدى.