قازاقستانعا زياندى شىعارىندىلاردى تومەندەتۋ ءۇشىن 273 ميلليارد دوللار قاجەت - دجەين ەبينگەر
بۇل تۋرالى «قازاقستان- ۋكراينا» ءبىرىنشى كليماتتىق ديالوگ بارىسىندا دۇنيەجۇزىلىك بانكتىڭ ورتالىق ازياداعى تۇراقتى دامۋ سەكتورىنىڭ جەتەكشىسى دجەين ەبينگەر ايتتى، دەپ حابارلايدى قازاقپارات ءتىلشىسى.
«قازاقستان مەن ۋكراينا جاسىل دامۋ باعىتىندا وتە اۋقىمدى ماقساتتاردى العا قويىپ وتىر. دەگەنمەن، بۇل ماقساتتارعا قول جەتكىزۋ جانە سول جولداعى ترانسفورماتسيا جەڭىل بولا قويمايتىندىعى انىق. كومىرسۋتەككە بەيتاراپ ماقساتقا قول جەتكىزۋ، اسىرەسە ەنەرگەتيكا سەكتورىندا ايتارلىقتاي كۇش- قۋاتتى ەرەكشە قاجەت ەتەدى. بۇل قازاقستانعا ەنەرگيا قامتىلىمى جولىندا وزگەرىستەردى تالاپ ەتەدى جانە شىعارىندىلاردى تومەندەتۋگە قاتىستى ناتيجەگە قول جەتكىزۋدەگى ساياساتتا ناقتى وزگەرىستەردى قامتيدى. جالپى، قازاقستاندا ىلەسپە گاز شىعارىندىسىنىڭ 80 پايىزدان استامى جانار- جاعارمايدى ءوندىرۋ، قايتا وڭدەۋ، تاسىمالداۋ، ساقتاۋ جانە جاعۋعا بايلانىستى»، - دەدى ول.
ساراپشىنىڭ اتاپ وتۋىنشە، قازاقستان 2030 -جىلعا قاراي ىلەسپە گاز شىعارىندىسىن 1995 -جىلعى دەڭگەيمەن سالىستىرعاندا 30 پايىزعا قىسارتۋدى جوسپارلاپ وتىر. بۇل رەتتە شىعارىندىلاردى باسقارۋدىڭ ۇلتتىق جۇيەسى ىلەسپە گازدىڭ جالپى شىعارىندىسىنىڭ تەك 40 پايىزىن عانا باقىلاي الادى.
«شىعارىندىنى باسقارۋ جۇيەسىندە، زياندى قالدىقتاردى باسقارۋدا قاتاڭ شەكتەۋلەر كەرەك. ال جاڭارتىلمالى ەنەرگيا كوزدەرى سالاسىندا جاڭا ادىستەر 2021-2030 -جىلدارى كەزەڭىندە كومىرسۋتەكسىزدەندىرۋ ءىس- شارالارىنا باعىتتالاتىن شامامەن 273 ميلليارد دوللار ينۆەستيتسيا قاجەت. ارينە، بۇل ماقساتتارعا قول جەتكىزۋ ءىس- شارالارىن ەنگىزۋ بارىسىندا كەزەڭ- كەزەڭىمەن ينستيتۋتتسيونالدى ادىستەر تالاپ ەتىلەتىن بولادى»، - دەدى دجەين ەبينگەر.
اۆتور: مارلان جيەمباي