ونىڭ سوزىنە قاراعاندا، ەلىمىزدىڭ بارلىق وڭىرلەرىندەگى اۋماقتىق ىشكى ىستەر ورگاندارى جەدەل پروفيلاكتيكالىق شارالاردى جۇرگىزە وتىرىپ، ىشكى كوشى- قونعا باقىلاۋدى كۇشەيتۋ جونىندەگى جۇمىستاردى اتقارىپ جاتىر.
2022 -جىلى وتكىزىلگەن ءىس- شارالاردىڭ ناتيجەلەرى بويىنشا تۇرعىلىقتى جەرى بويىنشا تىركەۋسىز تۇرعانى ءۇشىن جالپى ەل بويىنشا 272,5 مىڭعا جۋىق ادام اكىمشىلىك جاۋاپكەرشىلىككە تارتىلدى.
سونىمەن قاتار، شىن مانىندە تۇرمايتىن ادامداردى تىركەگەن جانە ءتيىستى تىركەۋسىز تۇرۋعا رۇقسات بەرگەن 2,9 مىڭ تۇرعىن ءۇي يەسى انىقتالدى.
سونىمەن قاتار ول شەتەل ازاماتتارىن كوشى- قون زاڭناماسىنا ساي تىركەۋ ماسەلەسىنە توقتالدى.
«ۋچاسكە» جالپى رەسپۋبليكالىق جەدەل- پروفيلاكتيكالىق ءىس- شاراسىن وتكىزۋ اياسىندا شەتەل ازاماتتارى تۇرىپ جاتقان جەرلەر تەكەرىلگەن.
ايتا كەتەيىك، جىل سايىن تۇرعىلىقتى جەرى بويىنشا تىركەۋ جانە قايتا تىركەۋ ۇدەرىسىنەن شامامەن 2 ميلليون ادام وتەدى.
بۇدان بۇرىن حابارلانعانداي، ءماجىلىس دەپۋتاتى ءمادي ەلۋبايەۆ ۇلكەن قالالارعا جاقىن ورنالاسقان اۋىلداردىڭ ماسەلەسىن كوتەرىپ، ق ر ىشكى ىستەر مينيسترىنە ساۋال جولداعان ەدى.
اۆتور
رۋسلان عابباسوۆ