قىتايدا جىل باسىنان بەرى 270 ادام قۇس تۇماۋىن جۇقتىرعان
15:57, 24 - اقپان 2017
استانا. قازاقپارات - قىتايدا جىل باسىنان بەرى قۇس تۇماۋىمەن (H7N9) اۋىرعاندار سانى 270 ادامدى قۇرادى، سونىڭ سالدارىنان 87 ادام كوز جۇمدى، دەپ حابارلايدى khovar.tj «شينحۋا» اگەنتتىگىنە سىلتەمە جاساپ.
«دۇربەلەڭنىڭ الدىن الىپ، ءۇي قۇستارىن تاسىمالداۋ مەن ساتۋدى قاداعالاۋ ءۇشىن جۇقپالى ىندەتتىڭ ءورشۋى تۋرالى اقپارات كەڭىنەن تارالۋى ءتيىس» ، - دەپ اگەنتتىك ق ح ر مەملەكەتتىك كەڭەسى وتىرىسىنىڭ قورىتىندىسى بويىنشا بەكىتىلگەن مالىمدەمەدەن ۇزىندىلەر كەلتىردى.
اعىمداعى جىل باسىنان بەرى لياونيڭ، تسزيانسۋ، چجەتسزيان، شاندۋڭ، حىنان، گۋاڭدۋڭ، گۋيجوۋ، حۋبي، حۋنان سىچۋان جانە بەيجىڭ تۇرعىندارىنىڭ قۇس تۇماۋىن جۇقتىرعانى انىقتالدى.
ەڭ العاش قۇس تۇماۋى قىتايدا 2013 -جىلدىڭ ناۋرىز ايىندا ادامنان تابىلدى. ءالى كۇنگە دەيىن ونىڭ ادامنان ادامعا اۋا تامشىلارى ارقىلى جۇققانى جايلى دەرەك جوق. قۇس تۇماۋىنىڭ ءورشۋى 2013-2014 -جىلدارى قىتايدا 36 ادامنىڭ ءومىرىن جالمادى.