اقتوبەدە 26 جاستاعى قىز بالكوننان قۇلاپ كوز جۇمدى
وقيعا اقتوبە قالاسى اعايىندى جۇبانوۆتار كوشەسىندە بولدى. بۇگىن ساعات 15:30 دا جەدەل باسقارۋ ورتالىعىنىڭ پۋلتىنە كوپقاباتتى ءۇيدىڭ بالكونىنان قىزدىڭ قۇلاعانى تۋرالى حابارلاما كەلىپ ءتۇستى.
«پوليتسيا قىزمەتكەرلەرى 9 قاباتتى ءۇيدىڭ 7-قاباتىنىڭ بالكونىنان سەكىرگەن 26 جاستاعى قىزدىڭ ءمايىتىن تاپتى. قىز العان جاراقاتتارىنان جەدەل جاردەم بريگاداسى كەلگەنگە دەيىن قازا بولدى. وقيعانىڭ ءمان- جايى انىقتالىپ جاتىر»، - دەپ حابارلادى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
ەسكە سالساق، اقتوبەدە بيىل 168 ادام ءوز-وزىنە قول سالدى. ونىڭ ىشىندە 47 ادام كوز جۇمىپ، قالعانى قۇتقارىلدى.
اقتوبە وبلىستىق پروكۋراتۋراسىنىڭ مالىمەتىنشە، سۋيتسيد جاسايتىندار سانى ارتقان. بىلتىر بەس ايدا 128 دەرەك تىركەلسە، بيىل 168 گە جەتكەن. ورتا ەسەپپەن كۇنىنە 2 ادام سۋيتسيد جاسايدى.
«اقتوبە قالاسىندا 143, مۇعالجاردا 5, شالقاردا 4, مارتوكتە 3, 3 ءبي اۋدانىندا 3 جاعداي تىركەلدى. كوپقاباتتى ۇيلەردەن سەكىرۋ كەزىندە قوعامدا ەرەكشە رەزونانس تۋىندايدى. بيىل وسىنداي 5 جاعداي تىركەلدى. ءساۋىر ايىندى ءۇش ايەل كوپقاباتتى ۇيدەن سەكىردى. ونىڭ بىرەۋى 25 قاباتتى «اقتوبە-اجارى» تۇرعىن ءۇي كەشەنىندە بولسا، ەكىنشىسى اقتوبە قالاسىنىڭ ورتالىعىنداعى توعىز قاباتتى ۇيدە انىقتالدى. قازىر وبلىس پروكۋراتۋراسى جەرگىلىكتى اتقارۋشى ورگاننىڭ اتىنا ءسۋيتسيدتىڭ الدىن الۋ جونىندە شارالار قابىلداۋ تۋرالى حات جولدادى»، - دەپ حابارلادى اقتوبە وبلىستىق پروكۋراتۋرا باسقارماسىنىڭ پروكۋرورى اسحات ماكايەۆ.