قازاقستان 26 ەلمەن ءوزارا ۆيزاسىز رەجيم ەنگىزۋ تۋرالى كەلىسسوزدەر جۇرگىزىپ جاتىر

استانا. قازاقپارات - ساۋىردە قازاقستان مەن قىتاي ۇكىمەتى ەكى ەلدىڭ ازاماتتارى ءۇشىن ۆيزاسىز رەجيم ەنگىزۋدى جوسپارلاپ جاتقانى بەلگىلى بولدى.

وسىنداي كەلىسىمدى قازاقستان تاعى 26 ەلمەن جۇرگىزۋدى جوسپارلاپ وتىر، - دەپ حابارلايدى Tengritravel.kz ءتىلشىسى.

«قازاقستان 26 ەلمەن ءوزارا ۆيزاسىز رەجيم ەنگىزۋ تۋرالى كەلىسسوزدەر جۇرگىزىپ جاتىر. ولاردىڭ قاتارىندا اۆستريا، ساۋد ارابياسى، سان-مارينو، باحرەين جانە باسقالارى بار.

سونىمەن قاتار، قازاقستانعا شاقىرۋ تۋرالى تالاپتىڭ كۇشىن جويۋ جانە ازاماتتارى ەلەكتروندى ۆيزا راسىمدەي الاتىن ەلدەردىڭ تىزبەسىن كەڭەيتۋ قاراستىرىلادى»، - دەلىنگەن حابارلامادا.

سونىمەن قاتار، ب ا ءا ازاماتتارى ءۇشىن ۆيزانى جەڭىلدەتىلگەن تۇردە بەرۋ ماسەلەسى تالقىلانىپ جاتىر

«شەتەلدىك ساياحاتشىلاردىڭ قازاقستانعا قىزىعۋشىلىعى جوعارى. سول سەبەپتى ءبىز ەلىمىزدىڭ تۋريستىك الەۋەتىن تولىق اشۋ ءۇشىن جۇيەلى تۇردە جۇمىس ىستەپ جاتىرمىز. ونىڭ ىشىندە كەلۋشى تۋريستەر اعىنىن ۇلعايتۋ ماقساتىنداعى ءىس-شارالار بار. سونىمەن قاتار، ءبىز كوشى-قوندى باقىلاۋدى جاقسارتۋعا مۇمكىندىك بەرەتىن تەتىكتەردى ىسكە اسىرىپ وتىرمىز. سونىڭ ءبىرى eQonaq اقپاراتتىق جۇيەسى»، - دەدى ق ر مادەنيەت جانە سپورت مينيسترلىگىنىڭ رەسمي وكىلى ءمولدىر ابدۋاليەۆا.