بۇل كۇنى تاڭەرتەڭگى ساعات 10:00-دە ءماجىلىستىڭ قارجى جانە بيۋدجەت كوميتەتىنىڭ جالپى وتىرىسىندا «قازاقستان رەسپۋبليكاسىنىڭ ۇكىمەتى مەن يرلانديا ۇكىمەتى اراسىنداعى قوسارلانعان سالىق سالۋدى بولدىرماۋ جانە كىرىستە سالىناتىن سالىققا قاتىستى سالىق سالۋدان جالتارۋدىڭ الدىن الۋ تۋرالى كونۆەنسيانى جانە وعان حاتتامانى راتيفيكاتسيالاۋ» زاڭ جوباسى قاراستىرىلادى.
ساعات 11:00-دە ۇكىمەت ۇيىندە ۇكىمەت وتىرىسى وتەدى.
ءدال وسى ۋاقىتتا «نۇر وتان» پارتياسىنىڭ ورتالىق اپپاراتىندا NURINTECH 2017 يننوۆاتسيالىق جوبالاردىڭ رەسپۋبليكالىق جاستار بايقاۋىنىڭ جەڭىمپازدارى مەن جۇلدەگەرلەرىن ماراپاتتاۋعا ارنالعان سالتاناتتى شارا باستالادى.
14:30-دا ماجىلىستە «كينوماتوگرافيا تۋرالى» زاڭ جوباسى ىلەسپە تۇزەتۋلەرىمەن تانىستىرىلادا. الەۋمەتتىك- مادەني دامۋ كوميتەتىنىڭ وتىرىسى اياسىندا ۇيىمداستىرىلاتىن ءىس- شارادا قازاقستان رەسپۋبليكاسىنىڭ اقپارات جانە كوممۋنيكاتسيالار ۆيتسە- ءمينيسترى اقتوتى رايىمقۇلوۆا زاڭناماداعى جاڭالىقتار تۋرالى باياندايتىن بولادى.
الماتى
11:00-دە ءال-فارابي اتىنداعى قاز ۇ ۋ- دا «ازاماتتىق باقىلاۋ» قوعامدىق قابىلداۋ جوباسى اياسىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ الەۋمەتتىك تاپسىرماسىمەن «قوعامدىق سانانى جاڭعىرتۋ جاعدايىندا قازاقستان رەسپۋبليكاسىندا جەمقورلىققا قارسى مادەنيەتتى قالىپتاستىرۋ پروبلەمالارى» تاقىرىبىمەن حالىقارالىق عىلىمي- تاجىريبەلىك كونفەرەنتسيا وتەدى.
ساعات 11:00-دە Almaty Arena باسپا ءسوز ورتالىعىندا فيرۋزا ءشارىپوۆانىڭ قاتىسۋىمەن باسپا ءسوز ءماسليحاتى بولادى.
ال ساعات 15:00-دە ن. داۋلەتوۆا اتىنداعى زالدا فولكلورتانۋشى، فيلولوگيا عىلىمدارىنىڭ دوكتورى، پروفەسسور شامشەدين كەرىمنىڭ «قاۋام اد-دين ءال-يتقاني ءال-فارابي عۇلاما عالىم، اقىن» كىتابىنىڭ تۇساۋى كەسىلەدى.