قازاقستاندىقتاردىڭ مۇلكى بار 26 ەل بەلگىلى بولدى

استانا. قازاقپارات - قازاقستان رەسپۋبليكاسىنىڭ ازاماتتارى الەمنىڭ 26 ەلىندە 300 دەن استام نىساندى زاڭداستىرعان.

بۇل تۋرالى بۇگىن ۇكىمەت وتىرىسىندا قارجى ءمينيسترى باقىت سۇلتانوۆ ءمالىم ەتتى، دەپ حابارلايدى قازاقپارات ءتىلشىسى ۇكىمەت ۇيىنەن. ءمينيستردىڭ ايتۋىنشا، قازاقستاندا مۇلىكتى جاريا ەتۋ قارقىنى بويىنشا كوش باسىندا الماتى قالاسى تۇر ەكەن. الماتى تۇرعىندارى 459 ميلليارد تەڭگەنىڭ مۇلكىن جاريالاعان. جالپى قۇنى 338 ميلليارد تەڭگەنىڭ مۇلكى جاريالانعان. الماتى وبلىسى ەكىنشى ورىندا جانە 57 ميلليارد تەڭگەنىڭ مۇلكىن زاڭداستىرعان استانا قالاسى ءۇشىنشى ورىندا ەكەن.

«شەتەلدەگى مۇلىك بويىنشا، ەگەر جىل باسىندا جاريا ەتىلگەن مۇلىك قۇنى (38 وبەكت) 1 ميلليارد تەڭگەنى قۇراعان بولسا، بۇگىندە بۇل سوما 16,6 ميلليارد تەڭگەگە دەيىن جەتتى. ال وبەكتىلەردىڭ سانى 300 گە جاقىندادى. ياعني، جىلدىڭ باسىنان جاريا ەتىلگەن وبەكتىلەردىڭ سانى سەگىز ەسەگە، قۇنى ون التى ەسەگە ۇلعايدى. ال مۇلىك جاريا ەتىلگەن شەت ەلدەردىڭ سانى 9-دان 26-عا دەيىن ءوستى»، - دەدى ب. سۇلتانوۆ.

مينيستر حابارلاعانداي، قازاقستاندىقتار اۋستريا، بولگاريا،  ۇلى بريتانيا، ۆەنگريا، ۆيرگين ارالدارى، گەرمانيا، گرۋزيا، يسپانيا، يتاليا، قىتاي، قىرعىزستان، لاتۆيا، ليتۆا، ب ا ءا، رەسەي، ا ق ش، سينگاپۋر، تايلاند، تۇركيا، تۇرىكمەنستان، وزبەكستان، چەحيا، شۆەيتساريا، ۋكراينا، فرانسيا، وڭتۇستىك كورەيا ەلدەرىندەگى مۇلىكتەرىن زاڭداستىرعان.

اۆتور: كەنجەكەي توقتامۇرات قىزى