سەمەيدە ءورت بولعان ۇيدەن اۆتوساتىمەن 26 ادام قۇتقارىلدى - فوتو
21:11, 13 - شىلدە 2015
استانا. قازاقپارات - سەمەي قالاسىندا التىنشى قاباتتاعى ساتى الاڭىنداعى ەلەكترقالقانىنان شىققان ءورت سالدارىنان 26 ادام قاۋىپسىز جەرگە كوشىرىلدى، دەپ حابارلايدى شىعىس قازاقستان وبلىسىنىڭ ت ج د باسپا ءسوز قىزمەتى.
ءورتتى قۇرىقتاۋعا جەكە قۇرامنان 17 ادام جانە 5 تەحنيكا قاتىستى.
وقيعا 9 قاباتتى تۇرعىن ءۇيدىڭ 6- قاباتىنداعى ەلەكترساناۋىش پەن ەلەكتر سىمىنىڭ تۇتانۋىنان بولعان. ۇستىڭگى قاباتتاعى تۇرعىندار قاتتى تۇتىننەن قاماۋدا قالعان. ءورت سوندىرۋشىلەر اۆتوساتىنىڭ كومەگىمەن 26 ادامدى قۇتقارعان، ونىڭ التاۋى - بالا.
كوشىرىلگەندەردىڭ اراسىندا زارداپ شەككەندەر جوق.