رەسەي عالامشارارالىق ستانتسياسىنان ايىرىلدى: «لۋنا-25» اپاتقا ۇشىرادى
بۇل تۋرالى روسكوسموس باسپا ءسوز قىزمەتى مالىمدەدى دەپ حابارلايدى قازاقپارات ءتىلشىسى.
«لۋنا-25» اۆتوماتتى ستانتسياسىنىڭ ۇشۋ باعدارلاماسىنا سايكەس، 19-تامىزدا قونۋ الدىنداعى ەلليپستىك وربيتاسىن ءتۇزۋ ءۇشىن يمپۋلس بەرۋ جوسپارلانعان بولاتىن. ماسكەۋ ۋاقىتىمەن 14:57 دە اۆتوماتتى ستانتسيامەن بايلانىس ءۇزىلدى. 19-جانە 20 -تامىزدا جۇزەگە اسىرىلعان «لۋنا-25» - ءتى ىزدەۋ جانە بايلانىس ورناتۋ امالى ناتيجە بەرمەدى.
الدىن الا تالداۋ ناتيجەسى بويىنشا، ءيسپۋلستىڭ نەگىزگى پارامەترى ەسەپتەگەن پارامەتردەن اۋىتقىپ كەتۋىنە بايلانىستى اۆتوماتتى ستانتسيا ەسەپتەلمەگەن وربيتاعا ءوتىپ كەتىپ، ايدىڭ بەتىمەن سوقتىعىسىپ، جارىلعان.
«لۋنا-25» - ءتىڭ جوعالىپ كەتۋ سەبەبىن انىقتاۋمەن ارنايى قۇرىلعان ۆەدومستۆوارالىق كوميسسيا اينالىسادى»، - دەلىنگەن روسكوسموس باسپا ءسوز حابارلاماسىندا.
ماماندار «لۋنا-25» - ءتىڭ ۇشىرىلۋىن روسكوسموستىڭ 2023 -جىلعى ەڭ نەگىزگى ۇشۋى دەپ اتاعان بولاتىن. جەردىڭ تابيعي سەرىگىنىڭ بەتىنە قونۋ 21-تامىز، بوگۋسلاۆسكي كراتەرىنەن سولتۇستىككە قاراي ايماقتا بولۋى كەرەك ەدى.
«لۋنا-25» اۆتوماتتى ستانتسياسى جۇمساق قونۋ تەحنولوگياسىن مەڭگەرىپ، توپىراقتى الىپ، تالداپ، ۇزاق عىلىمي زەرتتەۋ جۇرگىزۋى كەرەك بولاتىن.
اتاپ ايتقاندا، ايدىڭ وڭتۇستىك پوليۋسى اۋدانى مەن اي ەكزوسفەراسىنىڭ بەتىندەگى رەگوليتتىڭ جوعارعى قاباتىن زەرتتەۋ كەرەك ەدى. 21-تامىزدا اپپاراتتى قوندىرۋ جوسپارلانعان.