الداعى ءۇش كۇندە قازاقستاندا 25 گرادۋسقا دەيىن جىلى بولادى
13:40, 24 - ناۋرىز 2023
استانا. قازاقپارات - جوعارى اتموسفەرالىق قىسىم ءورىسىنىڭ اسەرىنەن رەسپۋبليكانىڭ باسىم بولىگىندە جاۋىن- شاشىنسىز كۇن رايى ساقتالادى. بۇل تۋرالى قازاقپارات «قازگيدرومەت» ر م ك- عا سىلتەمە جاساپ حابارلايدى.
تەك جەكەلەگەن اۋدانداردا تۇندە ازداعان جاۋىن- شاشىن (جاڭبىر، قار)، كۇندىز جاڭبىر جاۋىپ، جەل كۇشەيەدى. 27- ناۋرىزدا ەلدىڭ وڭتۇستىك- شىعىسىندا جاڭبىر جاۋادى، تاۋلى ايماقتارعا تۇمان تۇسەدى.
تەمپەراتۋرالىق فوندا ايتارلىقتاي اۋىتقۋلار كۇتىلمەيدى. رەسپۋبليكانىڭ باتىسىندا تەرمومەتر باعانى كۇندىز 12-26 گرادۋس جىلىلىقتى كورسەتەدى، سولتۇستىك- باتىستا 5-20، سولتۇستىكتە، شىعىستا جانە ورتالىقتا 2-15، وڭتۇستىك پەن وڭتۇستىك- شىعىستا 13-25، تاۋلى ايماقتاردا 8-13 گرادۋسقا جىلى بولادى.
اۆتور
سماعۇلوۆا ەركەجان