ءداستۇرلى جاۋتىكوۆ وليمپياداسىنا 25 ەلدىڭ وقۋشىلارى قاتىسادى
الىس جانە جاقىن شەت مەملەكەتتەردەن كەلگەن 281 كوماندا ءۇش ءپان - ماتەماتيكا، فيزيكا جانە ينفورماتيكا بويىنشا بىلىمدەرىن سىنايدى. زياتكەرلىك سايىستا ەلىمىزدىڭ نامىسىن 250-گە جۋىق وقۋشىدان جاساقتالعان 35 كوماندا قورعايتىن بولادى.
ايتا كەتەيىك، حالىقارالىق جاۋتىكوۆ وليمپياداسىنا فيزيكا- ماتەماتيكا باعىتىنداعى مامانداندىرىلعان مەكتەپتەردىڭ وقۋشىلارى قاتىسادى. وليمپيادا قورىتىندىسى بويىنشا جەكە رەيتينگ، سونداي- اق مامانداندىرىلعان مەكتەپتەردىڭ مىقتى كوماندالارىنىڭ رەيتينگى جاسالاتىن بولادى.
«حالىقارالىق قازىلار القاسىنىڭ قۇرامىنا ت م د- نىڭ ەڭ مىقتى تەحنيكالىق ۋنيۆەرسيتەتتەرىنىڭ وكىلدەرى كىرەدى. جەڭىمپازدار التىن، كۇمىس جانە قولا مەدالدارمەن ماراپاتتالادى.
وليمپيادا 1-10- اقپان ارالىعىندا الماتىداعى رەسپۋبليكالىق فيزيكا- ماتەماتيكا مەكتەبىنىڭ بازاسىندا وتەدى. سايىس قورىتىندىسى 10- اقپانعا جوسپارلانعان»، - دەلىنگەن وقۋ- اعارتۋ مينيسترلىگىنىڭ باسپا ءسوز قىزمەتى تاراتقان حابارلامادا.
رەداكتور
گۇلميرا الياكپاروۆا