ناتيجەسىندە 25 ادام قايتىس بولدى، تاعى 26 ادام حابار- وشارسىز كەتتى. بۇل تۋرالى قازاقپارات شينحۋا اگەنتتىگىنە سىلتەمە جاساپ حابارلايدى.
فيليپپيننىڭ 9 اۋدانىندا 390 مىڭ ادام زارداپ شەكتى. ۇيلەر، جولدار مەن كوپىرلەر زاقىمدالعان. فيليپپيننىڭ وڭتۇستىك اۋداندارىندا قازا تاپقاندار سانى 18 ادامعا جەتتى، لۋسوننىڭ شىعىسىنداعى بيكول ايماعىندا جانە فيليپپيننىڭ ورتالىق اۋداندارىندا سايكەسىنشە بەس جانە ەكى ءولىم تىركەلدى.
فيليپپيننىڭ ۇلتتىق اۋا رايى قىزمەتى سۋىق جانە جىلى اۋانىڭ قيىلىسۋىنان تۋىنداعان قاتتى جاۋىن- شاشىن ازايعانىمەن، 27-جەلتوقساندا كەشكە فيليپپيننىڭ وڭتۇستىگىندەگى مينداناو ارالىنان شىعىسقا قاراي 600 ك م جەردە تىركەلگەن تومەن قىسىمدى ايماق تروپيكالىق تومەن قىسىمعا ءوتۋى مۇمكىن ەكەنىن ەسكەرتتى.