قار، تۇمان، كوكتايعاق: 25- قازانعا ارنالعان اۋا رايى بولجامى

استانا. قازاقپارات - قازگيدرومەت ماماندارى 25- قازان، سەيسەنبىگە ارنالعان اۋا رايى بولجامىن ۇسىندى، دەپ حابارلايدى قازاقپارات.

باتىس انتيتسيكلونى ءالى دە قازاقستاننىڭ شىعىس جارتىسىنا اسەرىن ساقتايدى، سوندىقتان ول ايماقتا جاۋىن-شاشىنسىز اۋا رايى كۇتىلەدى.

ەلدىڭ باتىس، سولتۇستىك-باتىس، وڭتۇستىك جانە وڭتۇستىك-شىعىس وڭىرلەرىنە تسيكلون مەن اتموسفەرالىق فرونتتار اسەر ەتەدى.

وسىعان بايلانىستى جاۋىن-شاشىن (جاڭبىر، قار) جاۋادى.

قازاقستاننىڭ وڭتۇستىگىندە تاۋلى اۋدانداردا كۇندىز قاتتى جاۋىن-شاشىن (جاڭبىر، قار) بولادى، جەل كۇشەيەدى، سولتۇستىك-باتىستا كوكتايعاق بولادى.

ەلدىڭ شىعىس، وڭتۇستىك-شىعىس ايماقتارىندا تۇندە جانە تاڭەرتەڭ تۇمان تۇسەدى.