قىزى بار اكەلەرگە 25 كەڭەس

نۇر-سۇلتان. قازاقپارات - ەگەر قىزىڭىزبەن قارىم- قاتىناسىڭىز جاقسى بولعانىن قالاساڭىز، مىنا قاعيدالارعا نازار اۋدارىڭىز.

1. ونىڭ نە ايتىپ جاتقانىن مۇقيات تىڭداڭىز. سەبەبى ول ءوزىنىڭ ويىمەن بولىسەدى.

2. قىزىڭىزعا ادەمى ەكەنىن ءجيى- ءجيى ايتىپ تۇرىڭىز.

3. سىزگە انا بولۋدىڭ قاجەتى جوق، ويتكەنى ءسىزدىڭ ءرولىڭىز باسقا.

4. ەشقاشان داۋىس كوتەرمەڭىز. ال ەگەر بۇعان دەيىن داۋىس كوتەرگەن بولساڭىز، كەشىرىم سۇراڭىز. ودان ءسىزدىڭ ابىرويىڭىز ءتۇسىپ قالمايدى.

5. قىزىڭىز جاڭا ويىنشىق ساتىپ الۋدى سۇراسا، مىندەتتى تۇردە ورىنداڭىز. قىزدىڭ كوڭىلىن قايتارۋعا بولمايدى.

6. ءار قىزعا حانشايىمعا قاراعانداي قاراۋ كەرەك.

7. ۇلكەن قىزىڭىز قوڭىراۋ سوقسا، اقشا سۇرايىن دەپ جاتىر دەپ ويلاپ قالماڭىز. مۇمكىن ول ءسىزدىڭ قال- جاعدايىڭىزدى بىلگىسى كەلگەن شىعار.

8. قىزىڭىز بوي جەتىپ كەتسە دە، ءجيى- ءجيى قۇشاقتاڭىز. ويتكەنى قىز بالا اكەسىنىڭ مەيىرىمىن اڭسايدى.

9. كولىك جوندەپ جاتقاندا نەمەسە باسقا دا ءبىر ءىس ىستەپ جاتقاندا قىزىڭىز كومەك كورسەتكىسى كەلسە، باس تارتپاڭىز. بولاشاقتا «اكەمنەن ۇيرەندىم» دەپ ماقتانىپ جۇرەدى.

10. بىرگە ىستەيتىن ىستەر بولۋ كەرەك. مىسالى: كارتوپ تازالاۋ، كولىكجايعا بارۋ، ت. ب.

11. قىزىڭىز ءسىزدىڭ قانداي قيىندىق بولسا دا قورعان بولاتىنىڭىزدى سەزىنۋ كەرەك.

12. بولمەسى ءاردايىم تازا ءارى جيناقى تۇرۋ كەرەك. قاداعالاپ تۇرىڭىز.

13. دارىگەرلەر مەن مەدبيكەلەرگە سىپايى سويلەڭىز. ويتكەنى ول ءسىزدىڭ قىزىڭىزعا دەنساۋلىق تىلەيدى.

14. كەشقۇرىم ساياباقتا سەرۋەندەۋدى ۇمىتپاڭىز. سونىمەن قاتار قىزىڭىزبەن سيرككە دە بارىپ تۇرىڭىز.

15. ەشقاشان «اناڭ دۇرىس ايتپادى»، - دەمەڭىز. «ءبىز» دەگەن ءسوز قىزدىڭ پسيحيكاسىنىڭ دامۋىنا مول اسەر ەتەدى. بىرگە شەشىم قابىلداڭىزدار.

16. جۇمىستان كەيىن فۋتبول كورگەندى ۇناتاسىز با؟ بىرگە قاراڭىز. سەبەبى فۋتبول قاراۋ ارقىلى قىزىڭىز جان- جاقتى بولادى.

17. قىزىڭىز جىلاسا، كىنالى ادامدى ىزدەۋگە اسىقپاڭىز. جىلاپ بولعانىن كۇتىڭىز.

18. ءوزىڭىز ويدان ەرتەگى ويلاپ تابىڭىز. ول وتە قىزىق ءارى كوڭىلدى.

19. قىزىڭىزعا اندا- ساندا جۇگىرۋگە، سەكىرۋگە، ورمەلەۋگە رۇقسات بەرىڭىز.

20. جولدان وتكەندە نەمەسە بازارعا بارعاندا مىندەتتى تۇردە قولىنان ۇستاپ ءجۇرىڭىز.

21. قىزىڭىزدىڭ ەڭبەگىن باعالاڭىز. نە جاساسا دا كومەكتەسىپ، بىرگە ىستەۋگە تىرىسىڭىز.

22. كيىمىن مۇقيات قاداعالاڭىز.

23. ونىڭ ايتقان قۇپيالارى تۋرالى ەشكىمگە ءتىس جارماڭىز. ءتىپتى ول ءوزى بارىنە ايتىپ قويسا دا.

24. سالعان سۋرەتتەرىنە، قۇراستىرعان ويىنشىقتارىنا كوڭىل اۋدارىپ، ريزاشىلىعىڭىزدى ءبىلدىرىڭىز.

25. ەڭ سوڭعىسى: گۇلدى تەك ايەلىڭىزگە سىيلاۋ مىندەتتى ەمەس.

بۇل 25 قاعيدا ءسىزدى الەمدەگى ەڭ كەرەمەت اكە ەتەدى. ءبارىن بۇگىننەن باستاڭىز.