ۇكىمەت باسشىسى داعدارىسقا قارسى جوسپاردى 25-ناۋرىزعا دەيىن ەنگىزۋدى تاپسىردى
«مەملەكەت باسشىسى ەلىمىزدى قارقىندى تۇردە دامىتۋ، ەكونوميكانىڭ تۇراقتىلىعى مەن باسەكەگە قابىلەتتىلىگىن ارتتىرۋ جانە حالىقتىڭ تۇرمىس دەڭگەيى مەن ءال- اۋقاتىن جاقسارتۋ جونىندە اسا اۋقىمدى مىندەتتەر قويدى. وسىعان وراي، سىزدەردىڭ نازارلارىڭىزدى كەلەسى ماسەلەلەرگە اۋدارعىم كەلەدى. بىرىنشىدەن، مەملەكەت باسشىسى داعدارىسقا قارسى شارالار پاكەتىن تەز ارادا جۇزەگە اسىرۋدى تاپسىردى. داعدارىسقا قارسى شارالار ەكونوميكانى قولداۋعا، ينفلياتسيانى باقىلاۋدى كۇشەيتۋگە، ۆاليۋتا نارىعىن تۇراقتاندىرۋعا، جاڭا جۇمىس ورىندارىن قۇرۋعا، سونداي- اق كاسىپكەرلىكتى دامىتۋعا باعىتتالعان»، - دەدى ءا. سمايىلوۆ.
بۇل رەتتە ۇكىمەت باسشىسى جاۋاپتى ورگاندارعا داعدارىسقا قارسى جوسپاردى تاياۋ ارادا تالقىلاۋعا ەنگىزۋدى جۇكتەدى.
«وسىعان بايلانىستى ۇلتتىق ەكونوميكا مينيسترلىگىنە، ۇلتتىق بانك جانە جاۋاپتى مەملەكەتتىك ورگاندارمەن بىرلەسە وتىرىپ، داعدارىسقا قارسى جوسپارىن 25-ناۋرىزعا دەيىن ەنگىزۋدى تاپسىرامىن»، - دەدى پرەمەر- مينيستر.