قازاقستاننىڭ 25 جوعارعى وقۋ ورنى ليتسەنزياسىنان ايىرىلىپ قالدى
«ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى 25 ۋنيۆەرسيتەتتىڭ ليتسەنزيا الۋعا بەرگەن 60 ءوتىنىشىن كەرى قايتارعان. ولاردىڭ كوپشىلىگى كوميتەت تەكسەرۋلەر جۇرگىزگەننەن كەيىن كەرى شاقىرىلدى»، - دەيدى باسپا ءسوز قىزمەتى.
نەگىزىنەن بۇل ۋنيۆەرسيتەتتەر «پەداگوگيكالىق عىلىمدار»، «ونەر»، «گۋمانيتارلىق عىلىمدار»، «جاراتىلىس تانۋ عىلىمدارى»، «تەحنيكالىق عىلىمدار»، «قىزمەت كورسەتۋ»، «الەۋمەتتىك عىلىمدار» سياقتى باعىتتار بويىنشا دايىندىق جۇرگىزەتىن جوعارعى وقۋ ورىندارى.
«تەكسەرۋلەردىڭ ناتيجەلەرى بويىنشا جوعارى وقۋ ورىندارىنىڭ نورماتيۆتىك قۇقىقتىق اكتىلەردى ساقتاماعانى انىقتالدى. تالاپكەرلەردى قابىلداۋ، پروفەسسورلىق- وقىتۋشىلىق قۇرامنىڭ بىلىكتىلىگىن ارتتىرۋ (پ و ق)، پروفەسسورلىق- وقىتۋشىلىق قۇرامدى كونكۋرستىق تۇردە اۋىستىرۋ، پروفەسسورلىق- وقىتۋشىلىق قۇرامنىڭ وقۋ جۇكتەمەسىن جوسپارلاۋ، ستۋدەنتتەردى قورىتىندى اتتەستاتتاۋ، ديپلوم بلانكىلەرىن تىركەۋ بولىگىندە زاڭ بۇزۋشىلىقتار جاسالعان»، - دەيدى مينيسترلىكتىڭ باسپا ءسوز قىزمەتى.
ەسكە سالساق، وسىعان دەيىن قازاقستاندا بىرنەشە ۋنيۆەرسيتەتتىڭ ليتسەنزياسى توقتاتىلعانى انىقتالعان.