ولاردىڭ باعالاۋىنشا، 30- تامىز جەكسەنبى كۇنى تاڭەرتەڭ COVID-19 اۋرۋىنان 846772 ادام قايتىس بولدى، ال 17,5 ميلليوننان استام ناۋقاس ساۋىقتى، دەپ حابارلايدى قازاقپارات Deutsche Welle تەلەراديوكومپانياسىنا سىلتەمە جاساپ.
سوڭعى ۋاقىتتا باتىس ەۋروپادا اۋرۋ جۇقتىرعاندار سانى ارتتى، بۇل تۇرعىنداردىڭ دەمالىستان ورالۋىمەن بايلانىستى.
كوپتەگەن ەلدەر ينفەكتسيانى تەجەۋ شارالارىن تاعى دا قاتاڭداتۋعا ءماجبۇر. وسىلايشا، گەرمانيادا كەم دەگەندە، جىل سوڭىنا دەيىن ءىرى شارالارعا تىيىم سالىندى.
ال ماجارستان 1- قىركۇيەكتەن باستاپ ەو مەملەكەتتەرىنىڭ العاشقىسى بولىپ شەتەلدىكتەر ءۇشىن شەكارانى قايتادان جابادى. بۇل شەكتەۋ شاراسى ءبىر ايعا سوزىلادى. بۇعان دەيىن ۋكراينا دا شەتەلدىكتەرگە ءبىر اي مەرزىمگە شەكارانى جاپقان ەدى. وندا 29- تامىزدا راستالعان اۋرۋدىڭ ءوسىمى (2481 جاعداي) ەلدەگى ەڭ جوعارعى مەجەنى كورسەتتى.
اۋرۋ جۇقتىرعانداردىڭ جالپى سانى 116978 ادامعا جەتتى، ونىڭ ىشىندە 2492 ادام قايتىس بولىپ، 56138 ناۋقاس جازىلىپ شىقتى.
ۋكراينانىڭ دەنساۋلىق ساقتاۋ مينيسترلىگى اتاپ وتكەندەي، ناۋقاستاردىڭ كوپشىلىگى لۆوۆ وبلىسىندا (14168)، كيەۆتە (12984) جانە چەرنوۆتسى وبلىسىندا (9997) تىركەلگەن.
ال رەسەيدە تامىز ايىنىڭ ورتاسىنان باستاپ جاڭا جۇقتىرۋ جاعدايلارىنىڭ كولەمى 5000 نان اسقان جوق. جەدەل شتاب مالىمەتتەرى بويىنشا 29- تامىزعا قاراي ەلدە كوروناۆيرۋس ينفەكتسياسى 985346 ادامنان انىقتالعان، 17025 ناۋقاس قايتىس بولىپ، 804383 ساۋىققان.
COVID-19 قوزدىرعىشى 2019-جىلدىڭ اياعىندا قىتايدىڭ حۋبەي پروۆينتسياسىندا تاراپ، 210 نان استام ەل مەن اۋماققا جەتتى. ەڭ كوپ ينفەكتسيا ا ق ش- تا (6,13 ميلليون)، برازيليادا (3,84 ميلليون) جانە ءۇندىستاندا (3,53 ميلليون) بايقالدى.