«مەن تامىز كونفەرەنسياسىندا الداعى ءتورت جىل ىشىندە مۇعالىمدەردىڭ ەڭبەك اقىسىن ەكى ەسە ارتتىرۋدى تاپسىردىم. بۇل - كەلەسى جىلدان باستاپ ۇستازداردىڭ جالاقىسى 25 پايىزعا وسەدى دەگەن ءسوز» ، دەپ اتاپ ءوتتى ق ر پرەزيدەنتى.
وقۋشىلاردىڭ قابىلەتىن ايقىنداپ، كاسىبي باعىت- باعدار بەرۋ ساياساتىنا كوشۋىمىز قاجەت.
«الەۋمەتتىك جاڭعىرۋدىڭ جاڭا كەزەڭى. ەلىمىزدىڭ بيۋدجەتى ەكى نەگىزگى ماقساتقا باعىتتالۋى ءتيىس. ەكونوميكانى دامىتۋ جانە الەۋمەتتىك ماسەلەلەردى شەشۋ. الەۋمەتتىك سالادا مىناداي باعىتتارعا باسا ءمان بەرۋ كەرەك. ءبىرىنشى - ءبىلىم بەرۋ ساپاسىن جاقسارتۋ» ، - دەدى قاسىم- جومارت توقايەۆ.
قازاقستان پرەزيدەنتىنىڭ ايتۋىنشا، ەلىمىزدە ەڭبەك رەسۋرستارىنىڭ بالانسىن ەسەپكە الۋدىڭ ءتيىمدى ادىستەمەسى ءالى كۇنگە دەيىن ازىرلەنگەن جوق. شىن مانىندە ماماندار دايارلاۋدىڭ وتاندىق جۇيەسى ناقتى ەڭبەك نارىعىنان تىس قالعان.
«جىل سايىن 21 مىڭعا جۋىق مەكتەپ تۇلەگى كاسىبي جانە جوعارى وقۋ ورىندارىنا تۇسە الماي قالادى. جاستاردىڭ بۇل توبى جۇمىسسىزدار مەن مارگينالداردىڭ نەگىزىن قۇرايدى. ولار امالىنىڭ جوقتىعىنا قىلمىستىق جانە ەكسترەميستىك اعىمداردىڭ ىقپالىنا تۇسەدى. ءبىز وقۋشىلاردىڭ قابىلەتىن ايقىنداپ، كاسىبي باعىت- باعدار بەرۋ ساياساتىنا كوشۋىمىز قاجەت. بۇل ساياسات ورتا ءبىلىم بەرۋدىڭ ۇلتتىق ستاندارتىنىڭ نەگىزى بولۋى ءتيىس» ، - دەدى مەملەكەت باسشىسى.
توقايەۆ ەكونوميكامىزدا تەحنيكا سالاسىنىڭ ماماندارىنا سۇرانىس وتە جوعارى ەكەندىگىن اتاپ ءوتتى.
ء«بىراق، مۇمكىندىكتەر از. كاسىپورىندار ءتيىستى مامانداردى شەتەلدەن شاقىرۋعا ءماجبۇر. وسىنداي كەلەڭسىز جاعدايدى جەدەل تۇزەتۋمىز كەرەك» ، - دەدى مەملەكەت باسشىسى.
سونداي-اق، بۇگىن قازاقستان حالقىنا جولداۋىندا قاسىم- جومارت توقايەۆ «ديپلوممەن اۋىلعا» باعدارلاماسىن قارجىلاندىرۋ 20 ميلليارد تەڭگەگە جەتكىزىلەتىنىن اتاپ ءوتتى.
«قالا مەن اۋىل مەكتەپتەرى اراسىنداعى ورتا ءبىلىمنىڭ ساپاسى الشاقتاپ بارادى. نەگىزگى ماسەلە - اۋىلدىق جەرلەردەگى بىلىكتى پەداگوگ كادرلاردىڭ تاپشىلىعى»، - دەدى مەملەكەت باسشىسى.
سوندىقتان قازاقستان پرەزيدەنتى «ديپلوممەن اۋىلعا» باعدارلاماسىنىڭ اياسىن كەڭەيتىپ، جۇمىستى جاڭا دەڭگەيدە جالعاستىرۋىمىز قاجەتتىگىن ايتتى.
«ۇكىمەتكە كەلەسى جىلدان باستاپ وسى باعدارلامانى قارجىلاندىرۋدى 20 ميلليارد تەڭگەگە جەتكىزۋدى تاپسىرامىن»، - دەدى ق. توقايەۆ.