بۇل رەتتە ولار شىنايى ۋاقىتتان 6 مينۋتقا كەش قالىپ وتىر. مۇنداي جاعداي ەۋروپاداعى 25 مەملەكەتتە انىقتالدى، دەپ حابارلايدى جۋرنال "ەكسپەرت".
كەيىنىرەك بەلگىلى بولعانداي، تەحنيكاعا ورناتىلعان ساعاتتار ەنەرگەتيكالىق جەلىنىڭ جيىلىگىن پايدالاناتىنى انىقتالعان.
بۇل جەلى ەۋروپادا تۇراقتى 50 گەرتس جيىلىكتە جۇمىس ىستەيدى نەمەسە سەكۋندىنا 50 سيكل دەگەن ءسوز. ەلەكتروندىق ساعاتتار وسى تسيكلدى ەسەپتەي وتىرىپ، وزدەرىنىڭ ۋاقىتتى كورسەتۋىن رەتتەپ وتىرادى. الايدا، جيىلىك ۇزاق ۋاقىت بويى اۋىتقىعان كەزدە پروبلەمالار تۋىندايدى.
ENTSOE - ەلەكتر ەنەرگياسىنىڭ جۇيەلىك وپەراتورلارىنىڭ ەۋروپالىق جەلىسى بيىلعى قاڭتار ايىنىڭ ورتاسىنان باستاپ يسپانيادان تۇركياعا دەيىنگى جانە نيدەرلاندىدان پولشاعا دەيىنگى ارالىقتا 50 گەرتس جيىلىكتەن ۇزدىكسىز اۋىتقۋلار تىركەلگەنىن حابارلادى. بۇل قاجەتتى ەنەرگيا تاپشىلىعىنان ورىن العان. قازىرگى ۋاقىتتا ەنەرگيا تاپشىلىعى ساعاتىنا 113 گيگاۆاتتى قۇرايدى. بۇرىن مۇنداي اۋىتقۋشىلىقتار ەشقاشان بولماعان.
ENTSOE كومپانياسى بۇعان SMM (سەربيا، ماكەدونيا، چەرنوگوريا) باقىلاۋ بلوگىندا، ناقتى ايتقاندا كوسوۆو مەن سەربيادا پروبلەمالاردىڭ تۋىنداۋى باستى سەبەپ بولىپ وتىر دەگەن قورىتىندى شىعاردى.