الماتىدا قازاقستان مەن رەسەيدىڭ ديپلوماتيالىق قاتىناستارىنىڭ 25 جىلدىعى اتالىپ ءوتتى
اتاۋلى مەرەكەگە وراي قۋىرشاق شەبەرلەرى «ماڭگىگە بىرگەمىز» (ۆمەستە ناۆسەگدا) اتتى كورمەگە وزدەرى ارنايى دايىنداعان تەڭدەسسىز ەڭبەكتەرىن الىپ كەلدى.
«قۋىرشاقتار ءتۇرلى تەحنيكا تاسىلىمەن دايىندالعان. ولاردىڭ ءبىرىن دايىنداۋدا جۇمساق پلاستيك پايدالانىلسا، كەلەسى بىرىندە توقىما تەحنيكاسى قولدانىلعان. سونداي-اق ءتۇرلى قوسارلانعان تەحنيكالىق تاسىلدەر پايدالانىلعاندارى دا بار. قازاقستاننىڭ قۋىرشاقتار الەمىنە 30 دان استام شەبەر 95 تۋىندىسىن ۇسىندى. ال رەسەي تاراپىنان 19 شەبەردىڭ 55 تۋىندىسى قويىلدى»، - دەدى كورمەنىڭ كۋراتورى وكسانا تانسكايا.
كورمەگە قاتىسۋشىلاردىڭ اراسىندا: كاتەرينا كۋروچكينا، روزا سارسەنبايەۆا، يرينا سامويلوۆا، اناستاسيا ەليسەيەۆا، مارينا كۋرمانوۆا، گالينا كلەاپوۆسكايا، يرينا يتاحۋنوۆا سياقتى حاس شەبەرلەر مەن وسى ونەرگە ەندى عانا دەن قويعان ازاماتتار بار.
قازاقستان اتىنان تۋىندىلارىن ۇسىنىپ وتىرعان شەبەرلەر الماتى، قاسكەلەڭ، كوكشەتاۋ، سەمەي، زىريانوۆسك، ريدددەر سياقتى وڭىرلەردەن كەلگەندەر. مەرەكەنىڭ باعدارلاماسىندا الەم حالىقتارىنىڭ تىلدەرىندە قويىلىمدار قويىلىپ، كورمەگە كەلۋشىلەردىڭ نازارىنا ءتۇرلى كونسەرتتەر ۇسىنىلىپ، كىتاپتار مەن ەلەكتروندى وقۋلىقتاردىڭ تۇساۋى كەسىلەدى.
سونداي-اق قۋرىشاق شەبەرلەرى قوناقتارعا قۋىرشاق جاساۋ ونەرىن ۇيرەتپەكشى.
ايتا كەتەيىك، قازاقستان مەن رەسەيدىڭ ديپلوماتيالىق قارىم-قاتىناستارىنىڭ ورناعانىنا 25 جىل تولۋىنا وراي ۇيىمداستىرىلعان «ماڭگىگە بىرگەمىز» اتتى كورمەنىڭ وتۋىنە رەسەيدىڭ الماتىداعى باس كونسۋلدىعى مەن ق ر ءا. قاستەيەۆ، اتىنداعى مەملەكەتتىك ونەر مۋزەيى جانە قازاقستان قۋىرشاقشىلار قوعامداستىعى مۇرىندىق بولدى.