بۇل تۋرالى 31 ارنا حابارلايدى.
ا ق ش ازاماتتارىنا التى جىل بۇرىن بالا اسىراپ الۋعا تىيىم سالىنعان. مۇنداي شەشىم ءبىرقاتار اتا- انالاردىڭ قازاقستاندىق كونسۋلدىق الدىندا بالالاردىڭ جاعدايى تۋرالى ەسەپ بەرۋگە قارسىلىق تانىتقانىنان كەيىن قابىلداندى.
تاۋەلسىزدىك جىلدارىندا شەتەلدىكتەن ءبىزدىڭ ەلىمىزدەن 9 مىڭنان استام بالانى الىپ كەتىپتى. ءبىزدىڭ جەتىم بالالار يرلانديا، ۇلى بريتانيا، گەرمانيا، فرانسيا، باسقا دا ەۆروپا ەلدەرىنە كەتە بارعان.
وتكەن جىلى 10 بالا اسىراپ الىنىپتى. بۇل پروتسەسكە بالاسى جوق قازاقستاندىق جۇپتار دا قاتىسىپ جاتىر. ورتا ەسەپپەن جىل سايىن 1000-3000 بالانى اسىراپ الادى ەكەن. بۇل رەتتە ەلىمىزدە پاتروناتتىق جۇيە دە دامىپ كەلەدى. بۇل دەگەنىڭىز ءبىر نەمەسە بىرنەشە بالانى قىسقا مەرزىمگە اسىراپ الۋ. جەتىمدەردى باققانى ءۇشىن ونداي وتباسىلار ارنايى جاردەماقى الادى. ءبىر بالاعا 22 مىڭ تەڭگەدەن ءسال اساتىن قاراجات بەرىلەدى.
سونىمەن قاتار، پاترونات اتا-اناعا بالا تاربيەسى ءۇشىن جالاقى دا تولەنەدى. الايدا ومبۋدسمەندەردىڭ ايتۋىنشا، پاتروناتتىق وتباسىداعى ءاربىر ءتورتىنشى بالا بالالار ۇيىنە قايتىپ كەلگەن.