پرەزيدەنت نۇرسۇلتان نازاربايەۆ 25 قىرلى مونۋمەنتتى اشتى
جاڭا مونۋمەنت 2017 -جىلى استانادا وتەتىن ەكسپو كورمەسىنىڭ اۋماعىندا ورنالاسقان. «بۇگىن - 16 -جەلتوقسان، دال تاۋەلسىزدىك كۇنى. وسىدان 25 جىل بۇرىن، 16 -جەلتوقسان كۇنى الماتىدا تۇڭعىش رەت تاۋەلسىزدىگىمىزدى جاريالاعان ەدىك. سودان بەرى 25 جىل ءوتتى. كەشەدەن بەرى ەستىدىڭىزدەر، كوردىڭىزدەر، بولعان شارالاردىڭ بارلىعىن ەلىمىزگە جاريا ەتتىك. ال ەندى بۇگىن سۋىققا قاراماي، استانامىزدا تاعى ءبىر مونۋمەنت اشايىق دەپ وتىرمىز»، - دەگەن پرەزيدەنت قازاقستان مەن استاناداعى مونۋمەنتتەر جىلناماسىنا توقتالدى.
«استانانى اقمولاعا كوشىرگەن كەزدە ەڭ الدىمەن ەسكى قالاداعى الاڭدى يگەردىك. ودان كەيىن سول جاعالاۋعا قالا سالىپ، ءالى كۇنگە دەيىن قالانىڭ سيمۆولى بولىپ كەلە جاتقان «بايتەرەك» مونۋمەنتىن سالدىق. «بايتەرەكتەن» كەيىن، «قازاق ەلى» دەگەن مونۋمەنت اشتىق. تاۋەلسىزدىكتىڭ 20 جىلدىعىندا «ماڭگىلىك ەل» دەگەن تريمفۋالدى ارقانى اشتىق. تاۋەلسىزدىككە بەس جىل تولعاندا الماتىداعى الاڭدا تاۋەلسىزدىك مونۋمەنتىن اشقان ەدىك. ال، مىنە، 25 جىلدىقتا حالىقتىڭ ەسىندە قالسىن دەپ، وسى مونۋمەنتتى ورناتتىق. بۇل مونۋمەنتتىڭ 25 قىرى بار. ار قىرىندا ار جىلداعى ىستەلگەن شارۋا جاسالعان»، - دەدى سالتاناتتى شارادا ن. نازاربايەۆ.
اۆتور: كەنجەكەي توقتامۇرات قىزى