شاڭحاي ستۋدەنتتەرى ق ر تاۋەلسىزدىگىنىڭ 25 جىلدىعىن قالاي اتاپ ءوتتى - فوتو
ءىس- شارا قازاقستاننىڭ شاڭحايداعى باس كونسۋلدىعىنىڭ جانە ق ر ءبىلىم جانە عىلىم مينيسترلىگىنىڭ ازيا جانە مۇحيت ەلدەرىندەگى حالىقارالىق باعدارلامالار ورتالىعى وكىلدىگىنىڭ قولداۋىمەن ءوتتى. وعان 100 دەن استام ادام قاتىستى. ولاردىڭ باسىم بولىگى قازاقستان، قىتاي، رەسەي، وڭتۇستىك كورەيا، ا ق ش، يندونەزيا مەن وزگە دە شەت مەملەكەتتەردىڭ ستۋدەنتتەرى.
«مەملەكەتتىك ءانۇران ورىندالىپ، قازاقستاننىڭ شاڭحايداعى باس كونسۋلى جوشىحان اسىلبەك ۇلى قىراۋبايەۆتىڭ سوزىنەن سوڭ، قازاقستاندىق ستۋدەنت قىزدار قالىڭ كوپشىلىكتى مىڭ بۇرالا بيلەگەن حالىق بيلەرىمەن ءتانتى ەتتى.
اقەركە، ءالينۇر مەن ءۇمىت قازاق ەستراداسى ارتىستەرىنىڭ اندەرىن ورىنداپ، ساعىمان دومبىرادا ويناپ، «كوكشەتاۋ»، «تاۋ ىشىندە» اتتى حالىق اندەرىن شىرقادى. گاۋحار «ەركە سىلقىم» كۇيىن ورىنداسا، التىناي «تاۋەلسىزدىك تاڭى» پوەماسىنان كورىنىستەر سومدادى. كەش وندا كەلۋشىلەردىڭ بارلىعىنا ۇنادى. كوپتەگەن قوناقتار وسى كەشتەن العان اسەرلەرىمەن كامەرا الدىندا ءبولىستى. ولاردى ءبىز بەينەروليك ءۇشىن پايدالانامىز»، - دەدى قىتايداعى قازاقستاندىق ستۋدەنتتەر قاۋىمداستىعىنىڭ شاڭحايداعى بولىمشەسىنىڭ (KSAC) ءتوراعاسى، شاڭحاي قارجى جانە ەكونوميكا ۋنيۆەرسيتەتىنىڭ ستۋدەنتى دۋلات باحتياروۆ.