تاۋەلسىزدىكتىڭ 25 جىلدىعىنا ارنالعان مەرەيتويلىق مونەتا تانىستىرىلدى
ول ءۇشىن ارنايى بەينەبايان جاسالدى، دەپ حابارلايدى قازاقپارات ءتىلشىسى. "ۇلتتىق بانك تاۋەلسىزدىكتىڭ 25 جىلدىعى قۇرمەتىنە ەستەلىك مونەتا شىعاردى. ول - 925 سىنامدى كۇمىستەن جاسالعان بىرەگەي مونەتا. نومينالى - 5000 تەڭگە. بۇل - جالپى ۇلتتىق "ماڭگىلىك ەل" يدەياسىنىڭ قۇندىلىقتارىن سيپاتتايتىن مونەتا. ونىڭ بەت جاعىندا قازاق ەلى مونۋمەنتىنىڭ سيپاتى بەينەلەنگەن، قازىرگى قازاقستاننىڭ كارتاسى اياسىندا حالىقتار بىرلىگىنىڭ سيمۆولى بولىپ تابىلاتىن ۇلتتىق كيىمدەگى ءار ۇلت وكىلدەرى بەينەلەنگەن. بەس مىڭ تەڭگەلىك مونەتا التىندالعان كۇن شىعىس بەينەسىمەن اشەكەيلەنگەن. ونىڭ سالماعى 777,5 گراممدى قۇرايدى"، - دەلىنگەن بەينەباياندا. ايتا كەتەيىك، بۇگىنگى كونفەرەنتسيا بارىسىندا ق ر ۇلتتىق بانك ءتوراعاسى دانيار اقىشيەۆ جاڭا بانكنوت - مەملەكەت باسشىسى نۇرسۇلتان نازاربايەۆ بەينەلەنگەن 10000 تەڭگەلىك كۋپيۋرانى تانىستىردى. ال قولما- قول اقشا باسقارماسىنىڭ باستىعى توعجان ابىشيەۆانىڭ جاڭا كۋپيۋرانىڭ ناقتى تارالىمىن اشىپ بەردى. قر ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆتىڭ ويىنشا، نۇرسۇلتان نازاربايەۆ بەينەلەنگەن جاڭا مەرەيتويلىق كۋپيۋرا ۇلتتىق ۆاليۋتامىزدىڭ قۇندىلىعىن كۇشەيتە تۇسەدى.