قازاقستاندا دەمالىس كەزىندە 25 مىڭ بالا شيپاجايعا جىبەرىلدى
بۇل تۋرالى بۇگىن حالىققا ەسەپ بەرۋ كەزدەسۋىندە ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ءمالىم ەتتى.
«جىل باسىنان مەكتەپتەردە ساۋىقتىرۋ شارالارى كۇنتىزبەسىن جۇزەگە اسىرۋدى باستادىق. ناتيجەسىندە، قاڭتاردان پروفيلاكتيكالىق تەكسەرۋمەن 2,6 ميلليون وقۋشى قامتىلدى. اۋرۋدىڭ العاش رەت انىقتالۋىنا بايلانىستى ديسپانسەرلىك ەسەپكە 306 مىڭ وقۋشى تىركەلدى، ونىڭ ىشىندە 25 مىڭ بالا كانيكۋل كەزىندە شيپاجايلارعا جىبەرىلدى»، - دەدى مينيستر.
ت. دۇيسەنوۆانىڭ ايتۋىنشا، 144906 وقۋشى ستاتسيونارلىق ەم قابىلداۋعا باعىتتالدى جانە 100 مىڭعا جۋىق بالا امبۋلاتوريالىق ەمدەلۋدە.
«وسى ساۋىقتىرۋ شارالارىنىڭ ناتيجەسى بالالار جاڭا وقۋ جىلىندا مەكتەپكە كەلگەندە باعالانادى. سول كەزدە ءبىز بالالاردىڭ دەنساۋلىق جاعدايىن تەكسەرۋدى قايتا باستايمىز»، - دەدى مينيستر.
اۆتور: رۋسلان عابباسوۆ