پەتروپاۆل پوليتسەيلەرى 25 مەترلىك جاردان وزەنگە قۇلاعان قىزدى قۇتقاردى
بۇل تۋرالى ءوڭىر ءى ءى د باسپا ءسوز قىزمەتى حابارلادى.
ابىروي بولعاندا، قۇلاپ بارا جاتقان قىز 20 مەتردەي تومەندە بۇتاقتان ۇستاپ ۇلگەرگەن بۇل ونى اجالدان ساقتاپ قالدى. قانشاما ايقايلاپ كومەككە شاقىرعانىمەن ەشكىم ەستىمەگەن. ال سومكەسى قۇلاپ كەتكەن. باعىنا وراي ۇيالى تەلەفونى قالتاسىندا بولعان. ول «102 گە» قوڭىراۋ شالىپ كومەك سۇرادى.
حابارلامانى ەستىگەن جەدەل باسقارۋ ورتالىعىنىڭ قىزمەتكەرلەرى جول-پاترۋلدىك پوليتسەيلەر ناريادىن شۇعىل تۇردە اتتاندىرعان.
وقيعا ورنىنا جەتكەن جەرگىلىكتى پوليتسيا قىزمەتكەرلەرى سالعان بەتتە قۇلاعان قىزدى تابا الماعان. سۋ جاعاسىندا جاتقان سومكەنى كورگەن پوليتسيا سەرجانتى يۋلي دانيلچەنكو ساقتىقپەن جارقاباقتان ءتۇسىپ جاتقاندا بۇتاققا جارماسىپ تۇرعان قىزدى كورەدى. ول جالعىز ءوزىنىڭ شىعارىپ الا المايتىندىعىن بىلگەن سوڭ ت ج- عا حابار بەرگەن. ءوزى دە قاراپ تۇرماي تومەنگە ءتۇسىپ، سومكەنى الىپ ونىڭ باۋىنىڭ كومەگىمەن جوعارى تارتا باستايدى. بۇتاقتان مىقتاپ ۇستاعان كۇيى سەرجانت جاپا شەككەن جاندى وسىلايشا جوعارىعا امان-ەسەن شىعاردى.