ق. توقايەۆ: سەمەي پوليگونىنىڭ جابىلۋىنىڭ 25 جىلدىعى - جاھاندىق ماڭىزى بار داتا
كونفەرەنتسيا الەمدىك قاۋىمداستىق وكىلدەرىنىڭ، پارلامەنتشىلەر جانە ساراپشىلاردىڭ قاتىسۋىمەن بيىل 29- تامىزدا استانادا وتەدى.
كەڭەستى اشا كەلىپ، ق. توقايەۆ: «قارۋسىزدانۋ جانە يادرولىق قارۋدى تاراتپاۋ ىسىنە قوماقتى ۇلەس قوسقان قازاقستان پرەزيدەنتى نۇرسۇلتان نازاربايەۆ شىن مانىندە جاھاندىق يادرولىق قارۋعا قارسى قوزعالىستىڭ مويىندالعان كوشباسشىسى بولىپ تابىلادى»، - دەدى. مەملەكەت باسشىسىنىڭ «الەم. ХХІ عاسىر» مانيفەسىنىڭ نەگىزىندە يادرولىق قارۋدان تولىق ارىلۋ يدەياسى جاتىر. «سەمەي يادرولىق سىناق پوليگونىنىڭ جابىلۋىنىڭ اتاۋلى كۇنى قازاقستان عانا ەمەس، كۇللى الەم قاۋىمداستىعىنا جەر جۇزىندە ورنىقتى بەيبىتشىلىكتى قالىپتاستىرۋدىڭ ءبىرىنشى كەزەكتەگى ماڭىزدىلىعى تۋرالى ويلانۋعا يگى سەبەپ بولۋى ءتيىس»، - دەدى سەنات باسشىسى. وسىعان بايلانىستى پارلامەنتتىڭ جوعارى پالاتاسىنىڭ ءتوراعاسى جينالعاندارعا كونفەرەنتسيانى وتكىزۋدىڭ مازمۇندىق جانە ۇيىمداستىرۋ ماسەلەلەرىن مۇقيات ازىرلەۋدى تاپسىردى.
پرەزيدەنت اكىمشىلىگى باسشىسىنىڭ ورىنباسارى باعلان مايلىبايەۆ ءوز سوزىندە ۇيىمداستىرۋ كوميتەتىنىڭ مۇشەلەرىن كونفەرەنسيا الدىندا تۇرعان مىندەتتەرمەن تانىستىردى. سىرتقى ىستەر ءمينيسترىنىڭ ورىنباسارى رومان ۆاسيلەنكو فورۋمعا ازىرلىكتىڭ مازمۇندىق جانە ۇيىمداستىرۋ ماسەلەلەرى، سەرىكتەستەرمەن، ونىڭ ىشىندە حالىقارالىق ۇكىمەتتىك ەمەس ۇيىمدارمەن ءوزارا ءىس-قيمىل تۋرالى اقپاراتپەن تانىستىردى.
اۆتور: سەرىك قاراجان