بۇل تۋرالى قازاقستان باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ ءبىرىنشى پرورەكتورى ەركىن وڭعاربايەۆ ءمالىم ەتتى.
«پروكۋراتۋرا ورگاندارى پەنيتەنسيارلىق جۇيەنىڭ جۇمىسىن جاقسارتۋ باعىتىندا كەشەندى شارالار جاساۋدا. 2013 -جىلى «تۇرمەدەگىلەردىڭ سانىن ازايتۋ بويىنشا 10 قادام» جوباسى اياسىندا العاشقى كونفەرەنسيا ءوتتى. ەكىنشى فورۋمدا «كولونيالاردا جۇمىسپەن قامتۋ» جوباسىنىڭ باستالعاندىعى جاريالاندى. 2015 -جىلى 11 -جەلتوقساندا وتكەن ءۇشىنشى فورۋم سوتتالعانداردى قوعام ومىرىنە قايتا بەيىمدەۋ ماسەلەلەرىنە ارنالدى. ءبىز وسى جۇمىستاردىڭ العاشقى جەمىستەرىن دە كورۋدەمىز. 2013 -جىلدان بەرى قازاقستان تۇرمەلەرىندەگى ادام سانى 25 پايىزعا - 52 مىڭنان 40 مىڭعا دەيىن ازايدى. بۇل 90- جىلدارمەن سالىستىرعاندا ەكى ەسە از»، - دەدى ول.
ونىڭ سوزىنە قاراعاندا، قازاقستان الەمدىك رەيتينگتە ءوز پوزيتسياسىن جاقسارتىپ، 55 ورىنعا دەيىن كوتەرىلگەن.
سونداي-اق قازاقستاندا 20 سوتتالۋشى بيزنەس اشقان. «كولونيالاردا 133 جەكە كاسىپكەرلىك اشىلدى. بۇنىڭ الدىندا تەك 16 بولعان. ولار 1865 سوتتالۋشىنى جۇمىسپەن قامتىپ وتىر. كولونيا تاريحىندا العاش رەت 20 سوتتالۋشى جەكە كاسىپكەر رەتىندە تىركەلدى»، - دەدى ول.
ونىڭ سوزىنە قاراعاندا، قازاقستان الەمدىك رەيتينگتە ءوز پوزيتسياسىن جاقسارتىپ، 55-ورىنعا كوتەرىلگەن.
اۆتور: جاسۇلان جولدىبايەۆ