اۆستريادا 25 مىڭ ادام فەيسبۋك الەۋمەتتىك جەلىسىن سوتقا بەردى
اكتيۆيست ماكس شرەمستىڭ باستاۋىمەن باس كوتەرگەن Facebook قولدانۋشىلارى الەۋمەتتىك جەلىنى جەكە ومىرگە قول سۇقپاۋشىلىق ءتارتىبىن بۇزدى، دەربەس دەرەكتەردى زاڭسىز جيناقتاپ، تاراتتى، سونداي- اق «لايكتار» مەن قوسىمشالاردىڭ كومەگىمەن قولدانۋشىلاردى اڭدىدى دەپ ايتىپتاپ وتىر.
«ماسەلە Facebook جەلىسىنىڭ دەربەس دەرەكتەردى ساقتايتىنىندا ەمەس، ماسەلە ولاردى وشىرۋگە بولمايتىنىندا»، - دەپ ەسەپتەيدى شرەمس.
نەمىس اقپارات قۇرالدارىنىڭ مالىمەتىنشە، جەلىنىڭ ەۋروپالىق قولدانۋشىلارىنىڭ جەكە اقپاراتتارى امەريكالىق ارنايى قىزمەتتىڭ باقىلاۋىندا. ول دەرەكتەرگە ا ق ش ۇلتتىق قاۋىپسىزدىك اگەنتتىگىنىڭ PRISM باعدارلاماسى كىرە الادى.
ايتا كەتەيىك، ەگەر قولدانۋشىلار بۇل ءىستى جەڭىپ شىعاتىن بولسا، Facebook-تىڭ 25 مىڭ قولدانۋشىنىڭ اربىرىنە 500 ەۋرودان - جالپى سوماسى 12,5 ميلليون ەۋرو تولەۋىنە تۋرا كەلەدى.
ەسكە سالا كەتەيىك، 2014 -جىلى ا ق ش- تىڭ ەكى ازاماتى Facebook الەۋمەتتىك جەلىسىن سوتقا بەرىپ، ماقساتتى جارناما ءۇشىن ولاردىڭ جازىسقان حاتتارىن سكانەرلەدى دەپ شاعىمداندى. ارىزدانۋشىلار الەۋمەتتىك جەلى قولدانۋشىلاردىڭ جەكە حاتتارىن سكانەرلەۋ ارقىلى جەكە ءومىردى ساقتاۋعا قاتىستى فەدەرالدىق زاڭدى بۇزدى دەپ ايىپتادى.